Among dakong pagtahod sa atong mahal nga makagagahum ang Amahan, Anak ug Espiritu Santo nga si ALFA uban sa tanang mga Manulonda ug sa tanang mga Balaan, mga katawhan sa tibuok kalibutan ilabina sa mga Alfahanon nga sakop sa 63rd and Mothers Apostolic Church. Kami sa dakong pagtoo ug pagsalig inubanan sa gugma nagsulat sa kinabuhi ni Mons. Camilo C. Diel Sr. ALFA.
Ang Pagkatawo ni Mons. Camilo C. Diel Sr."
Pebrero 22, 1910 ang usa ka bata nga mao si Camilo C. Diel adunay komita nga nisubang dungan sa iyang pagkahimugso. Didto siya natawo sa Padre Burgos, Southern Leyte. Iyang papa si Narciso Diel ug ang iyang mama si Beatriz Carbonilla. Unom sila ka igsoon ug siya ang ikaduha sa kamagulangan, tulo ka lalaki ug tulo ka babaye.
Ang iyang igsoon nga si Atty. Concordio Diel nahimong pinakaunang City Counselor sa Cagayan de Oro City ug nahimong City Mayor, Provincial Board Member, Vice Governor, Governor sa Misamis Oriental ug nahimo usab nga Under Secretary (USEC) sa Department of Interior and Local Government (DILG) sa Republika sa Pilipinas, kini nahitabo sa decada 50 paingon sa decada 80.
"Sa Iyang pagkabata"
Tuig 1917, nahimo siyang sakristan sa Roman Catholic Parokya sa Malitbog, Southern Leyte sulod sa lima ka tuig. Susamang tuig 1917, nag eskwela siya ug didto sa eskwelahan adunay nawalaan ug kwarta ug miduol kini sa batang Camilo nga nagkanayun "Milo, Milo, akung kwarta nawala" mitubag ang batang si Camilo nga "Agpasa, agpasa kay napalit na ang 5 centavos" ug sa pagtan-aw sa bata natingala siya kay tinuod ang gipamulong ni Camilo ug iya gayud nakuha ang iyang kwarta nga kulang ug 5 centavos. Samtang nag eskwela siya didto sa ilang eskwelahan ang ilang maestra iyang giingnan nga "Ma’am, wala kay bana pero daghan na lalaki nalambigit sa imong kinabuhi" natingala ang maestra kun diin siya nahibalo mao to nangutana ang maestra sa iya kun asa siya nakabalo ana? mitubag ang batang Camilo nga "Tungod sa ila (birthmark) sa imong kinatawo" ug nisamot kahibulong ang magtutudlo ngano nakabalo siya sa pribadong parte sa iyang lawas nga tago naman kaayo.
"Nag Eskwela Sa Pagkapari"
Sa iyang pagkabata nagtubo siya nga ligdong ug nisupak sa doktrina sa Romano Katoliko ug ni eskwela sa pagka abogado sa Visayas Institute in Tacloban City apan nausab ang iyang desisyon ug nisulod sa semenaryo sa Bato, Southern Leyte ubos sa pagtudlo ni Bishop Fernando Buyser.
“Sa Iyang Pagka himong Pari”
Tuig 1931, naordinahan siya sa pagkapari ni Obispo De Vega sa Parokya sa Birhen del Rosario sa Agusan, Cagayan de Oro City. Tuig 1935, nahimo siyang Kura Paruko sa Padre Burgos, Southern Leyte ug didto iyang gitukod ang 63rd and Mothers Devotional Organization nga nagtudlo ug nanambal sa mga masakiton.
"Ang Kinabuhi ni CAMILO sa Leyte "
Sa nakauli na siya sa Leyte nagsugod na siya pagpanudlo sa pagtulon-an ni Kristo diin maoy iyang misyon ang pagpadumdum sa mga gibuhat ni Kristo. Naghimo siya ug daghang milagro gali milakaw pa siya ug dagat. Naila ang iyang kabantug sa tibuok lungsod.
“Ang Pagka Himo Niya nga Obispo”
Tuig 1937-1938, gitudlo siya isip Ecclesiastical Governor ug Obispo Diosesano sa Cebu, naordinahan siya pagka Obispo didto sa Dumaguete City nila ni Bishop De Vega, Bishop Blanco ug Bishop De Los Reyes.
"Ang Paghiabot Ni MONS. DIEL Sa Mindanao"
Tuig 1939, gi assigned siya pagka Missionary Bishop diri sa Northern Mindanao ug nahimong chairman sa (VISMINCON) Visayas-Mindanao Bishop Conference. Naminyo siya ni Crisologa ug nanganak ug usa ka batang lalaki ug iyang ginganlan ug Camilo Diel Jr. Tuig 1961 nahimo siyang representante sa IFI arun motambong sa WCC World Council of Churches didto sa New Delhi, India. Septembre 22, 1965 kauban niya si Obispo Maximo Isabelo Delos Reyes Jr. arun motambong sa International Old Catholic Conference didto sa Vienna, Austria. Augusto 6, 1968 inubanan sa iyang asawa miadto sila sa Jerusalem arun motambong sa Bishop Conference ug natagaan ug panahon nga makabisita sa lubnganan ni Santa Maria, Jordan River, lubnganan ni Abraham, tanaman sa Getsemane ug uban pa.
"Si San Jose ug ang Tolisan"
Hunyo 24, wala nasayri ang tuig, kapistahan ni San Juan Bautista diin didto gipahigayon sa Lapasan, Cagayan de Oro City ug didto si Mons. Camilo C. Diel Sr. ALFA. Human sa misa niadto sila sa kumbento ug misaysay ug kasaysayan, mao kini ang iyang gisaysay..."adunay usa ka tulisan nga nag devotion kang San Jose (bana ni Maria nga inahan ni Jesus) ang katunga sa iyang tinulisan iyang ihalad ug ipanghatag sa mga kabos. Niligid ang panahon namatay ang maong tulisan, gihukman siya sa Dios kun diin siya paingon sa empyerno o sa langit ba?, nilabaw ang iyang dautang mga buhat ug nahukman nga itambog siya sa empyerno. Apan mibabag si San Jose (hari sa mga balaan) og iyang gihangyo ang Dios nga dili lang ipa empyerno kay nag devotion sa iya ug dili siya buot ma empyerno ang tawo, apan wala kini patalinghugi sa Dios ug gimando niya nga ipa empyerno jud ang maong tulisan ug tungod niana namasug-o si San Jose ug migawas sa Langit ug niuban kaniya ang pipila ka mga Balaan. Nakita kini sa Dios ug giusab niya ang iyang hukom ug naluwas ang maong tulisan. (Ang mensahe niini, importante gayud kaayo sa tawo ang invisible helpers ug ang pagdevotion sa Sr. Jesus Nazareno tungod kay sila ang mahimong abogado sa tawo inig abot sa hukom).
"Si Mons. Camilo C. Diel Mihigda sa Dagat"
Human sa pag istorya nangaligo ang tanan sa dagat ug didto nagpakita si Mons. Diel ALFA sa mga tawo nga naghigda siya sa dagat, nga kun imo tan awon mura ra siya ug naghida sa banig kay lutaw kaayo ang iyang paghigda. Nahibulong sila kay adunay dakong bato nga nilutaw tupad ni Mons. Diel.
“Ang Dayag nga mga Milagro ni Mons. Camilo C. Diel Sr. nga mao si ALFA”
“Ang Pag Banhaw kang Domingo Gamlot”
Mao ni akong nasayran sa mga milagro nga gibuhat ni Mons. Camilo C. Diel Sr. ALFA sa usa ka tawo nga kusiniro nga ginganlan ug Domingo Gamlot nga nahospital ug gideklarar nga patay ug gidala sa morge. Sa dihang gi pahibalo kini kang Mons. Camilo C. Diel Sr. ALFA iyang giadtoan tungod kay palangga man kini niya, iya kining gi sudlan sa morge gipikpik ang lapa-lapa ug miingon, “Bangon” ug si Domingo Gamlot nabuhi ug si Mons.Camilo C. Diel Sr. ALFA miingon, “Naa pakay misyon” ug siya mitubag ug mi saad saiyang kaugalingon sa higayon nga musimba siya, iyang baklayon gikan sa Libona padulong sa Cathedral sa tibook niyang kinabuhi. Sa dihang nabanhaw na siya, misaysay siya kanamo ug miingon nga “Didto sa langit akong nakita ang atong mahal nga Mons.Camilo C. Diel Sr. ALFA nga mao ang nag lingkod sa trono didto sa langit nawong sa nawong.”
“Ang Pag Banhaw kang Lino Maandig”
Adunay usa ka tawo nga ginganlan ug Lino Maandig, usa sa iyang mga gibanhaw. Huwebes Santo nahitabo nag abay sila sa Obispo ug gipasidan-an siya nga “Magbantay ka! Magbantay ka!” hangtud niabot ang panahon nga namatay si Lino Maandig. Sa dihang didto siya sa langit matod niya “Patsada kaayo ang mga talan-awon!” ug gibanhaw siya ni Mons.Camilo C. Diel Sr. ALFA apan wala siya nalipay ug ni reklamo siya kang Mons.Camilo C. Diel Sr. ALFA ug miingon “Nganong gibanhaw man ko nimu? Nga tsada naman unta kaayo akong kahimtang sa langit!” ug si Mons.Camilo C. Diel Sr. ALFA nihilom lang.
“Ang Pag Banhaw kang Faustino Ugsod”
Adunay usa ka tawo nga ginganlan og Faustino Ugsod, sa dihang patay na siya ug miadto na iyang espirituhanong lawas sa langit ug iyang nakita nga mitabo kaniya si Mons.Camilo C. Diel Sr. ALFA ug miingon kaniya “Balik! Balik! kay wala pa mahuman imung misyon!” sa kalit nakita niya iyang lawas ug misulod siya ug ang maong tawo nga ginganlan og Faustino Ugsod nabuhi.
"Si Mons. DIEL Ug Iyang Apo"
Dunay panahon nga ang apo ni Mons. Camilo C. Diel Sr. ALFA namirya uban ni Atty. Diel nga anak ni Mons. Camilo C. Diel Sr. ALFA nag hinambog ang bata “lolo dako kaayo among daug kay shooter kaayo si Daddy!”, “lolo kuyog ta sa sunod!”. Sa sunod nga higayon nag uban sila ug didto dili na maka igo ang iyang Daddy sa dula nga “TARGET” ug napildi sila ug miingon ang bata “ayaw na sunod kuyog lolo! Kay dili maka igo si Daddy! Kon naa ka!” ug mitubag si Mons. “looy sila!, looy! Kay mao rana ilang panapi.”
"Si Atty. Diel ni adto sa Jerusalem"
Kini nga storya bahin sa iyang anak nga iyang gipalarga nga walay passport. Si Mons. Camilo C. Diel Sr. ALFA nag ingun sa iyang anak nga “Jun larga ka ugma”, ug siya mitubag “ayaw’g ana pa”, mibalik siya pag ingun “larga ka ugma sa Jerusalem kay akong gamiton ang imong kuhaon didto nga Yuta, Lana, ug Tubig para sa Ash Wednesday”. Ug milarga na siya Miadto una siyag Manila ug giadtuan niya iyang amigo nga abogado nga nag-ingon “di mana pwede Jun, magprocess paman ka niana” ug siya mibalik sa iyang papa ug miingon “Pa! Dili mana pwede pa, magprocess pata ana.” ug dayon si Mons. Camilo C. Diel Sr. ALFA nagbuhat ug sulat nga pinirmahan niya ug gihatag niya sa iyang anak ug miingon “oh! Jun larga na!” ug milarga na dayun siya. Kadaadto niya, kadadunggo niya sa iyang padulngan, igo ra niya ipakita ang sulat nga bisan asa wala nay daghan nga pangutana, kada pakita ug bisan asa ipakita diretso makasulod, automatic. Sa dili pa siya makaabot sa Jerusalem muagi pa siya sa Singapore. Sa iyang pag abot sa Singapore nagplano siya ug nakaingon saiyang huna-huna “makuha lang nako ning gipakuha ni papa, musuroy sa ko diri pagbalik”. Nagtawag siya ug Taxi ug gitabo siya sa usa ka Taxi nga itom, ang Taxi Driver miingon “Her eyes is black very beautiful” naghanggat sa iya nga mang babaye ug siya nakaingon saiyang hunahuna “Pa! Ug matintal ko ani wala gyud koy sala.” ug siya wala gyud matintal. Pag abot niya sa Jerusalem gitabo siya ug duha ka tawo nga nag sul-ob ug itom nga Biste , dili maklaro ang mga tawo nga nagtabo kaniya ug giatiman siya, sa nahuman na niya ang gikinahanglan dayong pauli. Sa pagbalik niya sa Singapore, nawala iyang duha ka bag ug wala na siya’y gamit. Mao nga mipalit na lang ug mga kamisin. Nabalaka siya kay tua raba didto ang tanan niyang mga gamit apil ang gipakuha saiya, ug siya gitawagan nga ipapauli na. Dako niyang katingala nga ang iyang duha ka bag nag una nag abot saila.
“Ang Pag Lakaw ni Mons.Camilo C. Diel Sr. ALFA sa Dagat”
Ang nahitabo didto sa Surigao nga nahisama ang pang hitabo o kaagi ni Kristo nga milakaw ug dagat, mao gihapon ang Ginoo sa unang panahon nga mao gihapon si ALFA. Ingon niini ang sugilanon; ang usa ka bata kanunay makadungog o makabati sa mga sulti-sulti sa mga katigulangan ang mahitungod sa usa ka pari nga milakaw sa dagat, ang bata nga naminaw ug nakapangutana sa iyang kaugalingon kung unsa ka tinoud kining iyang nabati. Ug aduna pa gayod sulti nga usa na ka Obispo sa Cagayan de Oro, ang kalinghod sa hunahuna sa maong bata buot niyang mahimamat ang maong Obispo, aron niya matino ang kamatuoran ug ang tinuoray nga panghitabo. Tuod man para adunay katumanan ang mga pangandoy nag pari siya ug tuod man sa nahimo na siyang pari, milangyaw siya pinaagi sa iyang kaugalingong pag paningkamot aron iyang matubag ang dugay na niyang gusto nga mga pangutana. Pag abot niya sa Cagayan de Oro, mideritso siya ila Padre Telen kay kauban man sila o classmate sa simenaryo kang Pamurcan ug gisaysay niya unsay hinungdan nga naka-abot siya dihang dapita. Pila ka gutlo ang milabay giignan siya ni Padre Telen nga mangadto sila sa Iligan. Samtang sakay na sila sa maong sakyanan wala kini damha nga nakahunong gayod sa atubangan sa simbahan sa Molugan, murag natuyo o gituyo ang maong higayon. Maong nakapangutana ang pari nga mao ang bata nga gihinganlan sa unahan mao si Padre Flores, mitubag si Padre Telen sa mga pangutana nga “Pesta karon! Naa diha ron si Mons. Camilo C. Diel Sr.” napanganga ang pari daw nakurat busa miingon ang pari nga manaug sa sila. Sa didto na sila sa simbahan mi-amin dayon si Padre Telen kang Mons. Camilo C. Diel Sr. ALFA, samtang si Padre Flores didto nasad kang Maestro ug dayong sukmat “Monsignor! Unsa ka tinoud nga milakaw kag dagat sa Surigao?” ug dayon mitubag ang Maestro “Oo, tinood na! milakaw ko kay daghan ang masakiton sa Pantalan.” mibali pag pangutana ang Maestro “nahinumdom ka padre, 1975 gipakog ko nimo sa bong-bong?” Dayon katol-katol sa iyang ulo ug mitubag ang pari “ang aha adto Monsignor?” mitubag na pud ang Maestro “1975 gipakog ko nimos bongbong.” mitubag ang pari “Ay! tuod Monsignor, nadigyas akong sapatos sa kabug-at sa Lignum tungod sa kadako niini.” Nakurat ang maong pari nganong nasayod man ang Obispo didto diay siya? didto niya nasabtan nga si Mons. Camilo C. Diel Sr. ug ang Lignum kun Santo Kristo usa ra.
“Ang Kinabuhi ni Jimmy Manlunas”
Adunay tawo nga si Jimmy Manlunas gikan sa sidlakan nga miabot dinhi sa siyudad sa Cagayan de Oro City, nga usa ka negosyante misaysay siya sa iyang kinabuhi nga iyang nasinati, nga sa iyang pagka batan-on iyang gikahibalag ang usa ka tigulang didto sa taliwala sa lasang. Ug duna silay gikasabutan nga gitagaan siya ug kabhang sa alimango, gitugon siya sa tigulang nga magkita ra sila pag-usab. Pag-abot nila sa Cagayan de Oro City ang iyang asawa nakatambong sa Lecture sa Bible Study, naghisgot mahitungod sa 24 ka tema ug ang nag pahigayon sa maong Lecture sila ni Efipanio Wabe/PONEBU ug sa pagpaminaw sa iyang asawa sa unang adlaw, iyang nasuta nga patsada ang Lecture. Sa pag-uli niya sa ilang panimalay iyang giaghat ang iyang bana nga si Jimmy Manlunas ug pilay estorya nakadawat sila og batong puti nga sinulatan sa ikaduhang ngalan nga gisulat sa tudlo sa Dios. Miabot ang panahon, adunay affair sa Baybay Bulua Cagayan de Oro City, didto nahinumdom ang tawo nga gikan sa Lasang nga gitagaaan siya ug kabhang sa Alimango sa Maestro ug miingon nga “Magkita ra kita pag-usab.” Ug gisantop sa iyang hunahuna nga dili diay ordinaryong tawo nga iyang nahibalag didto sa taliwala sa Lasang, iyang na aprobahan sa iyang kaugalingon nga mao siya. Mao kadto nga sa matag affair sa kalihokan sa simbahan dili niya ikalimod nga mao na gayud siya ang gikan sa taas, ang nabatasan sa mga tawo mu amin sa Maestro sa sing-sing ra, apan sa iya, tiil kay dili ordinaryo ang iyang pag-ila kang Mons.Camilo C. Diel Sr. ALFA.
“Si Mons.Camilo Diel Sr ALFA didto sa Dagat”
Didto sa Naawan adunay mga mananagat nga nanagat ug wala silay kuha ug nikawas sila sa baybayon, ug sa ilang pag abot sa baybayon, ilang nakita si Mons. Camilo C. Diel Sr. ALFA ug ang Obispo nangutana kong aduna ba silay kuha ug mitubag ang mga mananagat nga wala silay nakuha ug si Mons. Camilo C. Diel Sr. ALFA miingon nga “itaktak ninyo dihang dapita” ug mireklamo ang mga mananagat nga sila gikan na niadtong dapita ug wala silay nakuha ug si Mons.Camilo C. Diel Sr. ALFA miingon nga “taktaki ninyo pag usab”, ug nahibulong sila tungod sa daghang isda nga ilang nakuha nga halos mounlod na ang sakayan tungod sa kapuno.
“Sa Kwarto ni Mons. Camilo C. Diel Sr. ALFA”
Sa balay nilang Mons. Camilo C. Diel Sr. ALFA, pag naay mag halad didto sa iyang balay ug pagkaon, dal-on sa taas aron makakita sa kwarto ni Mons. Camilo C. Diel Sr. ALFA. Ang Santo Cristo nga naa sa kwarto gamilagro, maoy sulti sa kadaghanan nga nakasulod didto. Adunay panahon nga si Bam-bam, si Apostol Pedro Clapano ug si Apostol Gomer nakaadto sa iyang balay, sila tanan gipasulod ni Apostle Angelo Oco sa usa ka kondisyon, “matag anhi ninyo diri, halaran gayud ninyo ang altar, kung mosaka mo diha sa hagdan, permirong hagdan, panguros gayud mo, pananghid pud mo aron dili ko mabalasikan, “hinaut ALFA nga imo ming tugutan pagsulod”. “Makita gayud ninyo diha nga ang halaran dako kaayo ug daghang pagkaon”. Sa ilang pagsulod, lipay kaayo sila, nihalok dayun sila sa Sto. Nino nga naay mutya. Matud pa ni Bam-bam grabi ka kusog ang pwersa. Adunay panahon ang mga Mothers nga taga Igpit, Opol Misamis Oriental nga nakaanha ug nakasulod sa iyang kwarto nga nang gi-maroon, unya nanluhod ug nag-ampo ug naka ingun sila pastilan ang gahum nga among nabati grabi pagkakusog, bisan pag gawas namo na batian gihapon namo didto sa iyang kapelya ang pwersa, matod pa sa taga Igpit nga Mothers, maong naka ingun ko nga hayahay kaayo sila, kay nang gi-maroon man.
“ANG PAGPALAMBO SA SIMBAHANG IFI UG PAGDAGHAN SA NAHIMONG 63rd and MOTHER'S”
Sa pag abot ni Mons. Camilo C. Diel Sr. ALFA diri sa Mindanao, mingaw pa kaayo ang mga simbahan ug gamay ra kaayong sakop sa IFI ug didto nanghatag siyag sugod sa ikaduhang ngalan ug naghimo ug mga magwawali arun pagwali sa maayong balita, bisan asa siya nagsugo ug daghang mga milagro ang ilang nahimo sa ngalan ni ALFA. Tuig 1954, nagtukod siya ug Apostoles sa Cathedral sa Cagayan de Oro City, nagsugo siya sa iyang mga magwawali ilabina ni Efipanio Wabe nga gitawag usab nga PONEBU arun magbuo ug tema arun mahimong foundation sa pagwali ug tungod sa lamdag sa espiritu sa mga karaang magwawali nabuo nila ang 24 ka mga tema, sa pagligid sa panahon nag anam kadaghan ang nagpasakop sa simbahan ug namugna ang 24 ka grupo sa mga Apostoles sa tibuok MOBUCA (MISAMIS ORIENTAL, BUKIDNON UG CAMIGUIN) aron magsangyaw sa maayong balita ug nahimong overall Chairman si Apostol Nazer Laid nga nahimong kuyog kanunay ni Mons. Camilo C. Diel Sr. ALFA, si Efipanio Wabe/PONEBU mao ang nahimong Consultant sa tanang sakop sa 63rd & Mothers ug ang pagsangyaw sa maayong balita ginapadayun ug gipalambo.
“Ang Pag Marka sa 63rd and Mothers didto sa Kapilya sa Himaya”
Tuig 1987, adunay panahon nga nagpahina sa Kapilya sa Himaya, ug gisugo si Apostol Bebito F. Langala ni Mons. Camilo C. Diel Sr. ALFA nga markahan ug 63rd and Mothers ang maong simbahan kay muabot ang panahon dili nami makasulod sa IFI nga simbahan ug wala damha sa pagligid sa panahon sa Tuig 2015 gisipa sa kasamtangang Obispo sa IFI ang mga Apostoles sa Parokya sa Molugan. Bisan ug Apostoles siya sa Opol miuban siya sa ila tungod kay para kaniya dili siya mahimong IFI kung dili tungod sa 63rd ug karon sa kasamtangan among gibarugan ang 63rd and Mothers Apostolic Church nga maoy tinuod nga katawhan sa Diyos nga si Mons. Camilo C. Diel Sr. nga mao ang ALFA ug ang OMEGA.
