PASIUNA

Niadtong Julyo 21,2017 alas 8:00 sa gabii, didto mi sa Fabre Wood, Molugan, El Salvador City sa panimalay ni Krispulo Saculinggan, kay didto man gusto ni Apostol Cesar Macaubos. Sa pag sugod na namo iyang gisaysay ang iyang mga kaagi. Kusog ang ulan niadtong panahona wala sila magdahom nga makaabot me apan salamat sa panabang sa Dios nga nakaabot mi.

Iya usab gisaysay kanamo ang iyang kinabuhi sa wala pa siya nakaila sa Dios, ang iyang pagpangalagad ug ang pagkadawat niya sa iyang ikaduhang ngalan. Ang pagkahimo niyang Apostol ug nag hatag dayon siya kanamo ug mga tambag.

IKAPULO NGA PANAW DIDTO KANG APOSTOL CESAR MACAUBOS SA PAPEL NI APOSTOL THOMAS

CESAR MACAUBOS:

Sa Wala Pako Makaila sa Dios

1  Sa akong kinabuhi nag dako ko nga usa ka Pilipinista, gani sa among yuta natukod ang simbahan ug usa ako sa mga tao nga dili aktibo sa simbahan, sa bata pako didto sa among lugar adunay usa ka tao nga barumbado sige ug pamikil sa mga silingan ug adunay higayon nga naka ingon ko sa ako ang huna-huna nga “Mudako lang ko!” adtong higayona ni adto kos baylihan kuyog ang akong papa, ug adunay tawo nga nag lasong nga nagdalag sanggot ang ubang mga tawo nang dagan na apan akong papa nag pabilin, ug miingon ko sa akong papa nga “Pa! dagan ta pa!” ug siya ni tubag “Nganu mudagan man ta nga wala man tay sala nak!” ug didto gi dasmagan si papa sa maong tawo ug gi itsa ko sa akong papa aron dili ko madamay ug didto gikulata sa akong papa ang maong tao mao tong hinungdan nga gipadautan ang akong papa ug namatay, ug didto akong gi panumpa sa lubong sa akong amahan nga “Akong patyon ang maong tawo.” Ug sa pag edad nako ug kinse anyos gadala nako ug kutsilyo ug mi abot gayud ang panahon nga nag abot gyud ang among mga dalan ug didto sa baylihan nag lasong nasad ang maong tawo ug gi doulan nako siya ug gipaslakan ko sa kutsilyo ug ako midagan, sa akong pag uli nakita ko sa akong uyuan nga nag ka dugo ug siya miingon “Naunsa ka?!” ug ako mi tubag ug miingon “Nag luba kog baboy.” Pagka buntag nadungog nga adunay gi patay mao tong gitawag ko sa akong uyuan ug gi pangutana “Ikaw nag patay ato ba?” ug ako kining giangkon. Ug na priso ko sa hamubong panahon kay wala may nanumbong. Sa sunod nga higayon naka patay napod ko ug didto sa prisohan gilukat ko sa akong Lolo nga usa ka Mayor sa among Lungsod ug gihimo ko niyang alalay ug gitagaan ko niyag mga armas, ug niadtong panahona nakadungog ko nga ang pamilya sa akong napatay mo balos nako mao tong akong giadtuan misakay kog kabayo dalag mga armas, ug ako silang gipang hagit apan bisan usa wala kanilay mi gawas ako silang gibalik balikan sa pipila ka mga panahon ug tungod niana sila nang layas ug wala na mag pakita anang dapita.

Ang Pagkahimo Nakong Ebanghilista

2  Sa dihang nahimamat nako ang babae nga akong mapangasawa nga taga El Salvador nga naka pa usab sa akong kinabuhi ug nag minyo mi ug nag puyo sa ilaha. Adunay higayon nga naay seminar ang IFI ug gi-hanggat ko sa akong ugangan pero ako lang supuhon ug maglalis na dayon mi ug wala ko mi apil kay para sa akoa ga langan-langan rana sa akong trabaho, apan mi abot ang panahon nga wala na si Mons. Camilo C. Diel Sr. ALFA ayha pa ko nahimung aktibo sa simbahan ug giaghat ko ni Apostol Pedro Clapano nga mag ebanghilista ug nahimo akong ebanghilista sa kapilya sa Batangan, Sambulawan, El Salvador City ug nag uban mi sa pag serbisyo.

Ang Nakapagubot sa Akong Huna-huna

3  Adunay panahon nga gi hanggat ko nga mo kuyog ug misyon sa Apostoles ug mi adto ko sa simbahan aron mo kuyog, apan sa wala pa mag sugod ang lakaw nag katigum mi ug wala ko mag dahom sa akong na saksihan, sa maong panagtigum akong nabati sa chairman sa Apostoles nga si Apostol Nazer Laid/DIKAZO, ingun siya nga “ Unsa inyong gusto mahitabo?” Mao tong higayuna nga ni gawas ko ug didto akong natabo si Apostol Joseph Badoles/DUBIJO iya kong gi pangutana “Haman ka?” ni tubag ko nga “Mo uli ko mao man galing ni nga mo anhi ratag mangaparta maypag mo uli wala pay problima”, didto ko naka ingun nga ingana diay sila, apan gipasabot ko ni Apostol Pedro Clapano, ug nakasabot ko.

Ang Pag Hatag sa Akong Ikaduhang Ngalan

4  Usa ka panahon niana, nag istorya mi ni Apostol Pedro Clapano/PIDINI mahitungod ni Mons. Camilo C. Diel Sr. ALFA ug didto iya kong gisaysayan sa iyang pag panudlo ug pag panghatag ug ikaduhang ngalan ug didto akong nasabtan ang tanan ug kinsa ug unsa gayud si Mons. Camilo C. Diel Sr. ALFA , ug didto naka ingun ko ni Pare Indong nga “Sayang naulahi ko. Pero ni tubag siya nga dili pa ulahi ang tanan kay sama kang Apostol San Pablo, naa napoy naka dawat ug ikaduhang ngalan nga wala na si Mons. Camilo C. Diel Sr. ALFA, pinaagi sa iyang pag Novena, mao to na aghat pud kog Novena, ug milabay ang panahon nag damgo ko nga nakakita kog papel nga gihatag ni Mons. Camilo C. Diel Sr. ALFA nga walay sulat, ug sa akong pag mata naka hawid kog papel nga naa nay sulat ug ako kining gipa consolta kang Apostol Pedro Clapano/PIDINI ug siya miingon ka nako nga ipaconsolta sa consoltant sa mga Apostoles nga si Apostol Efepanio Macatual/PIGUTO ug didto iyang gisaysay sa akoa ang kahulugan sa maong sulat nga naka sulat sa papel nga mao diay ang akong ikaduhang ngalan, ug nalipay ko.

Ang Pagkahimo Nakong Apostoles

5  Wala ko mag dahom nga himuon ko nilag usa sa mga Apostoles ug didto daghang nisulod nga mga mensahi nga pinaagi sa akong panan-awon, adunay panahon nga napaakan kog halas, gikan ko sa uma nag pas-an kog saging ug natingala ko nga pag ka ugma nakita sa akong anak nga namatay na ang halas.

TAMBAG:

Sumala sa akong panan-awon, nag ingon ang Dios nga pag tanom kamo ug liso sa inyong kasingkasing ug bisbisi sa inyong mga luha aron kani mo tubo ug mo lambo.

Ayaw ninyo tawga ang tawo nga atoa sa layo, paghawan hinuon kamog dalan gikan sa imo paingon kaniya aron anaay iyang kaagian. Ayaw ninyo tawga ang tao paabota ninyo nga sila ang moduol kaninyo.