PASIUNA
Niadtong Agusto 4, alas 8:00 sa gabii didto mi sa Amoros El Salvador City sa panimalay ni Consultant Apostol Epifanio Macatual/PIGUTO, didto iya me gipapangutana sa iya aron iya usahon ug tubag misaysay siya sa iyang kinabuhi, gamay ra iyang kasaysayan tungod kay didto siya ni pukos ug tubag sa among pangutana naglami ang estorya niabot ug alas 7:00 sa buntag.
IKANAPULO UG DUHA KA PANAW KANG APOSTOL EPIFANIO MACATUAL / PIGUTO
Nahimong Dalan nga Ako na Inisyalan
1 Sa dihang moadto mi sa Davao naka hapit mi sa Maigo sa balay sa among Paryente, usa sa akong igsuon nandisco ug nasumbagan unya niuli siya ug misumbong nga siya nasumbagan, ug didto gikuha namo ang among mga himan ug didto sa plaza among gipangita ang maong tawo apan wala na me naabtan, ug didto among gihagit ang mga tawo kun kinsay isog didtong dapita apan walay misukol. Among gibalikbalikan ang plaza kada gabii aron makita ang maong tawo, nahurot nalang among tinigom nga kwarta maong nakahunahuna mig panarbaho. Sa among pag panarbaho, adunay grupo sa mga kawatan nga among na ingkwentro ug ang mga kawatan wala na nagpakita ug nakita kini sa kapitan maong kami ang iyang gihimo nga magpatrol ug iya ming gisuhulan ug nahapsay ang maong lugar maong nagpasalamat mi sa kapitan. Mao ni ang nahimong dalan nga ako ma Initialan kay naa may IFI nga simbahan didto.
Ang Kinabuhi sa Akong Pagkatinun-an
2 Sa didto pami sa Maigo matag dagkong affair, muadto me sa Cagayan de Oro City manakay rami sa truck nga mangomprahay ug Nipa, ug mutabang lang mi ug diskarga aron makalibre ug sakay. Sa holy week, sugod sa dominggo ramos nana me sa cathedral hangtod sa dominggo pagkabanhaw, unya maayo ra kung kami makakaon ka usa sa usa ka adlaw, ang among tulganan karton ra kilid sa simbahan. Ang among kalipay sa panahon sa kagabhion, usahay makig storya si Mons. Camilo C. Diel Sr.ALFA sa amo ug nakatuon pud ko sa mga katigulangan nga mas una sa ako na Initialan, ako didto mangutana sailaha mahitungod kang Mons. Camilo C. Diel Sr.ALFA. 1975-1979 , nagtuon ko ug ila sa mga tawo unsay naa sa sulod ug didto daghan babaye mag sunod sunod sa ako kay magpatagna sa ilang kaugmaon. Sumala ni Mons. Camilo C. Diel Sr.ALFA ang tingog ni San Juan Bautista panahon nga magwali siya muabot sa Pagadian gikan sa Cagayan.
TAMBAG:
Dili tagaag duha-duha ang pagtoo aron mabuhat ang mga Imposible nga butang.
AKONG BARUGANAN
Sa panahon sa magtambal ka imong hunahunaon nga si ALFA nagbuhat sa tawo, busa kaya nimo operahan ang tawo bisag tan-awon lang, bisan pag nadugmok ang bukog pwede ra mauli basta motoo lang.