KINATIBUK-ANG PASIUNA
Kini nga basahun nagahisgot ug nagasaysay sa kinabuhi ni Mons. Camilo Diel Sr. ALFA, samtang dinhi siya sa kalibutan nga gisaysay usab kanamo gikan sa mga Apostoles nga nakig uban kaniya sa hamubo ug sa hataas nga panahon, diin nahiapil usab ang kinabuhi sa mga Apostles nga nakalambigit kaniya kun gi-unsa ug unsang paagi nga sila nahimong sakop sa 63rd and Mothers Apostolic Church ug nahimong usa ka Apostoles, nahisgutan usab dinhi ang mga milagro nga gibuhat ni Mons. Camilo Diel Sr. ALFA.
Sa wala pa mahimo kini nga basahon kami nagkasinabot, nga muadto sa balay sa mga Apostoles sa plano nga 7 ra ka Apostoles ang among adto-an aron manginsayud sa ilang mga kasinatian mahitungod kang Mons. Camilo C. Diel Sr. ALFA. Apan wala mitugot ang panahon ug nahimong 12 ka apostoles, simbolo sa 12 ka Apostoles ni Kristo.
Wala usab sa plano namo nga himuan ug libro hinuno-a ang among katuyuan mao lamang nga gusto namo dungagan ang among kahibalo pinaagi sa ilang pagsaysay kanamo sa ilang mga kaagi aron kini mahimong gabayan sa paglig-on sa among pagtoo. Apan usa ka gabii niana didto mi natulog sa balay sa among kauban adunay nagdamgo ug misaysay siya kanamo sa iyang damgo nga sa “ Sinugdan nakakita siya ug krus nga nagsiga sama sa siga sa suga nga bombilia, ug nakita usab niya ang 12 ka Apostoles nga sa ilang duha ka kamot nga nag hayang gipatung ang libro” human ni adto among nadisisyonan nga himoan kini ug libro adto nga panahon human sa ikapitong panaw sa didto mi sa ilang Apostol Villarosa Fabria ika 11 ka panaw nangutana siya namo ‘’himoan ba ninyo ni ug libro?’’ ug didto among natakdo nga pahimuan gyud diay ug libro.
Kini nga basahon mao ang usa sa buhing handumanan sa kinabuhi ni Mons. Camilo C. Diel Sr. ALFA, samtang nakig-uban siya sa iyang mga Apostoles, gihimo usab kini namo nga basahon aron makaila ang tibuok kalibutan nga si Mons. Camilo C. Diel Sr. ALFA, dili ordinaryong tawo kundili diha kaniya mipuyo ang bug-os ug kinatibuk-an sa pagka Dios nga Espiritu Santo, ang gihisgutan ni Kristo nga manlalaban.
Gisaysay usab niini nga basahon ang rason ug panghitabo ngano nga natukod ang simbahang 63rd and Mothers Apostolic Church, ug hinungdan sa paghimulag gikan sa IFI nga simbahan. Among dakong pagpasalamat sa makagagahum nga Dios nga si ALFA sa iyang pag-uban kanato ug pag-giya aron mahimo ug mahuman nga malampuson kini nga mga basahon taliwala sa mga pagsulay.