PASIUNA
Ni adtong Hunyo 10,2017 adlaw nga sabado alas 7:00 sa gabii, didto me sa Bulua, Cagayan de Oro City sa balay ni Apostol Chairman Nazer Laid/DIKAZO sa papel ni Apostol Pedro, didto me sa taas sa ilang balay, una nangutana siya kanamo nga nag-alirung kaniya. Ug miingon siya kanamo “ unsa may inyong tuyo Nganong nianhi mo? ug unsa ta oras taman?” mao to amo gitubag nga “gusto mi masayud sa imong kinabuhi ug kung itugot sa Ginoo taman alas 3 sa kadlawon” ug gisugdan pinaagi sa pag Ampo.
Didto iyang gisaysay kanamo ang iyang kinabuhi gikan sa iyang pagkabatan-on ug giunsa siya pagtawag. Usab gisaysay niya iyang kinabuhi isip Apostoles, ug mga pagsulay nga niabot sa iyang kinabuhi. Gisaysay usab niya ang iyang kinabuhi sa iyang pakig uban ni Mons. Camilo C. Diel Sr.ALFA ug ang mga milagro. Pag abot sa alas 3 sa kadlawon nag ampo me para sa paghuman namo niini, apan nagbuntag ang uban sa pagpangutana kaniya ug natagbaw sila sa tubag.
UNANG PANAW DIDTO KANG APOSTOL NAZER LAID/DIKAZO SA PAPEL NI APOSTOL SAN PEDRO
Ang Kinabuhi sa akong pagka batan-on
1 Sa akong kinabuhi wala ko nagdahom nga mahimong usa ka apostoles gali sa akong pagkabatan-on na inisyalan naman ko kay devoted naman ni Mons. Camilo C. Diel Sr. ALFA ang akong mga ginikanan. Apan dala sa pagkabatan-on wala koy paki sa akong nadawat hinuno-a nagbugoy-bugoy ko ug daghang amigo, manangko, manumbag sa baylihan, usahay maghatag ug kasamok. Nagtambay-tambay dayon nakahunahuna nga kapoy magtambay mao nibalik kog skwela sa edad 18 anyos. Hangtod sa nakahuman kog kolehiyo sa CMU-Central Mindanao University, human sa kolehiyo naka trabaho ko sa Valencia City, Bukidnon. Isip usa ka Agricultural Analyst ug Acting Building Inspector dayon nag transfer ko sa Coffee Plantation isip usa ka supervisor sa kapihan. Apan sa usa ka higayon niana giadtuan ko sa akong mama ug gipapauli ug gipaundang kay ang rason nga dili ko makasimba didto ug niuli ko sa amoa. Gihanggat ko nila nga magwali sa maayong balita apan wala ko nisugot apan, usa kahigayon nga giingnan ko ni Pepe Baculio nga mag lecture sila sa himaya iya kung ipakuyog kay daghan daw manok didto dagko pa gyud daw ug gutad tungod kay lami man iya giingon mikuyog ko apan, wala ko nagdahom nga ila ko ipawali ug usaka tema. Didto akong nasinati dili sayon nga ang akong istorya gabulag sa tema nga ako gi-lecture. Ug tungod niana nahagit ko sa pagtuon kay kon kaya nila kaya pud nako. Tungod sa sagunson nga mga lecture adtong panahona nahanas ko sa pagwali nga bisan ang tuldok ug kama namemorise na.
Ang pakig uban ni NAZER LAID/DIKAZO kang Mons.Camilo C. Diel Sr. nga mao ang ALFA.
2 Tuig 1985, nahimo kong apostoles sa papel ni Apostol Andres, apan sa tuig 1986 nahimo kong Chairman sa mga apostoles sa papel nga Apostol Pedro. Sa akong pag uban-uban sa Obispo sukad 1986 hangtud 1999 sa panahon sa Initiation ug sa mga daghang kalihokan sa simbahan didto nako nasayran ug na saksihan ang mga katingalahan ug mga milagro nga nabuhat sa atong mahal nga si Mons.Camilo C. Diel Sr. ALFA. Sa ulitawo pako ang hinungdan nga naminyo ko kay tungod kang Mons. Camilo C. Diel Sr. ALFA, gi parisan ko niya ug babaye para akong minyoan
Sa dihang naminyo ko miabot ang panahon nga akoa siyang gibasul sa akong huna-huna tungod sa mga kalisod ug pagsulay nga mi abot sa among kinabuhi. Pagkita namo ni Mons. Camilo C. Diel Sr. ALFA, natingala ko nga miingon siya “sala nako, sala nako nga naminyo ka”
Ang sermon ni Monsignor Camilo C. Diel Sr. nga mao si ALFA mahitungod sa kinabuhi ni San Jose ug ang Tulisan
3 Nitambong ko ug mesa sa lapasan kay didto pa ang mesa sa kapistahan ni Sr. San Juan Bautista. Nadungog nako sa homily ni Mons. Camilo C. Diel Sr. ALFA nga mao ni “adunay usa ka tulisan nga banggiitan, katunga sa iyang tinulisan didto niya ihatag sa iyang gi devotionan (San Jose bana ni Maria nga Inahan ni Jesus) niligid ang panahon namatay siya ug sadihang gihukman siya sa Diyos kung asa siya maka paingon sa empyerno o sa langit ba, nilabaw iyang pagkadautan ug na hukman siya sa silot sa empyerno. Apan ni babag si Sr. San Jose (Hari sa mga Balaan) sadihang nibabag siya wala kini uyoni sa Ginoo, si Sr. San Jose namasug-o ug nigawas sa langit ug niuban niya ang mga Balaan ug nakita kini sa Dios ug gi usab niya ang iyang hukom sa tulisan ug naluwas ang maong tulisan”. Paghuman sa mesa nangaligo ug dagat ug didto sa dagat nagpakita si Mons. Camilo C. Diel Sr. ALFA sa mga tawo nga nihigda siya sa dagat iyang paghigda mura siya ug naghigda sa banig ug didto aduna pagyu’y dakong bato nga naglutaw sa dagat.
Ang dayag nga mga Milagro ni Mons. Camilo C. Diel Sr. nga mao si ALFA ug Ang pag banhaw kang Domingo Gamlot
4 Mao ni akong nasayran sa mga milagro nga gi buhat ni Mons. Camilo C. Diel Sr. ALFA, sa usa ka tao nga kusinero nga gi nganlan ug Domingo Gamlot na Ospital ug gi deklarar nga patay ug gidala sa morgue, sa dihang gi pahibalo si Mons.Camilo C. Diel Sr. ALFA iyang giadtoan tungod kay palangga man kini niya iya kining gi sudlan sa morgue gipikpik ang lapa-lapa ug miingon “ bangon ” ug si Domingo Gamlot nabuhi ug si Mons.Camilo C. Diel Sr. ALFA miingon, “ naa pakay misyon” ug siya mitubag ug mi saad saiyang kaugalingon sa higayon nga musimba siya iyang baklayon gikan sa Libona Bukidnon padulong sa Cathedral sa tibook niyang kinabuhi.
Sa dihang nabanhaw na siya misaysay siya kanamo ug miingon nga “didto sa langit akong nakita, ang mga Mother’s nga nag maroon ug nag pandong ug Itom ug akong nakita ang atong mahal nga Mons.Camilo C. Diel Sr. ALFA nga mao ang nag lingkod sa trono didto sa langit nawong sa nawong.”
*Ang pag banhaw kang Lino Maandig
Adunay usa ka tawo nga ginganlan ug Lino Maandig, usa sa iyang mga gibanhaw Huwebes Santo nahitabo nag abay sila sa Obispo ug gipasidan-an siya nga “Magbantay ka! Magbantay ka!” Hangtod ni abot ang panahon nga namatay si Lino Maandig. Sadihang didto siya sa langit matod niya “Patsada kaayo ang mga talan-awon!” ug gibanhaw siya ni Mons.Camilo C. Diel Sr. ALFA apan wala siya malipay nga gibanhaw siya ug iyang gi basol si Mons.Camilo C. Diel Sr. ALFA ug miingon “Nganong gibanhaw man ko nimu? Nga tsada naman unta kaayo akong kahimtang sa langit!” ug si Mons.Camilo C. Diel Sr. ALFA nihilom lang
*Ang pag banhaw kang Faustino Ugsod
Adunay usa ka tawo nga nag ngalang Faustino Ugsod sadihang patay na siya ug miadto na iyang ispirituhanong lawas sa langit ug iyang nakita nga mitabo kaniya si Mons. Camilo C. Diel Sr. ALFA, ug miingon kaniya ”Balik! Balik! kay wala pa mahuman imung misyon!” ug sa kalit nakita niya iyang lawas ug misulod siya ug ang maong tawhana nga nag ngalan nga Faustino Ugsod nabuhi.
Ang akong mga Pagsulay
5 Isa ka higayon niana sa akong kinabuhi niagi ko nga sa isa ka tuig wala na musampit ug Ginoo tungod sa mga pagsulay nga giabot sa akong kinabuhi nga dili nako madawat, kadtong higayon nga nagka diin-diin na kami sa utang, nagsulod ug daghang loan, pero gipasibat nako akong asawa sa Manila aron makalikay sa utang, pero akong nahuna-huna nga “kinsa man diay akong ampuan, si satanas ba?”,mao na nibalik kog pag ampo ug pag alagad taliwala sa mga pagsulay.
Niadto ko sa balay ni Mons. Camilo C. Diel Sr. ALFA nag ingon si Atty. Diel, “Pa, tabangi si nazer pa, luoy na kaayo”. Natingala ko nahalinan mi ug yuta, pero ang gibayad sa amua katunga ra nga tungop ra sa bayad sa utang unya nisumbong mi sa Obispo dayun miingon si Mons. Camilo C. Diel Sr. ALFA “mao rana ang gihatag sa Ginoo”.Nakaingon ko sa akong kaugalingon nga ako ang pinakadako ug pagsulay nga miabot sa kinabuhi daghan ko ug mga mahal sa kinabuhi nga nawala.
Ang akong Pagtoo kang ALFA ug ang akong dautan nga batasan
6 Ang akong pagtoo nga unsay gisugo ni Mons. Camilo C. Diel Sr. ALFA akong tumanon kay gitoo ko nga siya mao ang Dios sadiha nga gisugo ko ug badlong sa mga maninggitay, sa akong pagbadlong dili motoo giignan ko ni Mons.Camilo C. Diel Sr. ALFA “isulod sila sa sako” Ako mitubag, makasala ko ALFA, ug siya miingon “ dili kay ako ang nagsugo” kay kung nag sugo pa si Mons.Camilo C. Diel Sr. ALFA nga akong patyon ako gayung pagapatyon bisan pag mapriso ko kay Dios man ang gasugo.
Tungod sa akong batasan nga wala ako miangay gadumot ko ug tawo bisan pa ug patay na dumtan ko kini hangtud sa hangtud. Apan usa ka higayon niana ang tawo nga akong gidumtan nga patay na kay nagdumot ko niya kay siya walay pagtoo ni Mons. Camilo C. Diel Sr. ALFA, apan nipakita kanako ang tawo nga akong gidumtan pinaagi sa damgo ug nangayo siya ug pasaylo ug niadtong higayuna giapil nako siya sa akong Tumatabang nga dili makita ug gisulat sa panahon sa kalag-kalag, November 2 timaan sa akong pag pasaylo kaniya.
Sa karon nga panghitabo, namatngunan nako nga kung makita nako akong mga napasakitan akong napangutana sa akong kaugalingon, “unsay sala niining mga tawhana?”.
Ang Otoridad sa pag ka Chairman
7 Sa dihang ako ang nahimong Chairman sa mga Apostoles sa Molugan, gihatag kanako ang otoridad nga ang tingog sa chairman tingog sa Obispo nga si Mons. Camilo C. Diel Sr. ALFA maoy hinungdan nga sa dihang magpabadlong ang uban apostoles nga ang kaulit mukuyanap sa tibuok kong lawas nga mutabon na ang kasuko sa akong nawong hanggaton nako sila ug away sinumbaga pero sa akong hunahuna nag ampo ko kang ALFA nga unta dili sila manukol.
Karon atong masuta kong ang binuhatan ang sukdanan sa kaluwasan dili gayud ako maluwas pero ang akong gisaligan barkada mi sa Ginoo
Usa ka panahon niana, panahon sa eleksyon nangutana ko kang Mons. Camilo C. Diel Sr. ALFA kong kinsay paluyuhan nga politiko mao to akong gidala sa mga katawhan sa Parokya sa Molugan apan wala misunod ang uban tawo giisip nako nga wala sila misunod wala sila mitoo kang Mons. Camilo C. Diel Sr. ALFA. Mao nga sa panahon sa misyon nadesisyonan nga dili nako pasakaan ang mga tawo nga wala misuporta sa gipaluyuhan ni Mons.Camilo C. Diel Sr. ALFA. Pag-abot sa meeting adunay mga apostoles nga nangutana nganong i-apil ang politiko sa misyon.
Human sa misyon nireport mi sa Obispo sa pag abot namo sa Obispo giangkon ni Mons. Camilo C. Diel Sr. ALFA nga “akong sala, akong sala” bisan wala pa kami nag asoy sa laktod nga istorya iyang nahibaluan ang naa sa amoang hunahuna.
Unsaon pag palihok sa PULONG
8 Sa akong kasinatian, kung gusto mo mulihok ang pulong nga inyong gitun-an litoka ninyo ang pulong ka-1,000 kay kana akong gihimo sanauna ug nakita ko nga epektibo gayud gali si pare Gomer nga nag buhat sa ingon nagamit niya kay bisan kadtong gitampayak taman sa tuhod kini naulian ug sa ako bisan kadtong naa sa layo akong matambalan ug bisan sa pag misyon sa apostoles didto sa Himaya duha na ka bulan galubog kay dili na maka barog ako kining gigamit automatic kani siya nakalakaw, galukso-lukso pa pero ang naka apan mabalasikan ang luya nga myembro sa pamilya.Gihagit tamo nga inyong tun-an, diskobreha ninyo nga inyong magamit ang pulong nga walay balasik.
TAMBAG:
Kamo ug gusto mo nga molihok ang pulong nga inyong na dawat kinahanglan nga mag palilob lang, novena, mag ampo kapito sa isa ka adlaw, simba, dili mag hubog-hubog, pag tahod sa ginikanan, biyaan ang bisyo ug kinahanglan nga mag pugong sa inyuang kaugalingon.