PASIUNA
Niadtong Hunyo 13,2017 adlaw nga Biyernes oras sa alas 8:00pm sa gabii didto me sa Tuburan,Taytay El Salvador City sa balay ni Apostol Angelo Oco/KOLUGI sa papel ni Apostol Santiago I. Gisugdan japon sa pag-ampo ug nangutana kun unsay inyong tuyo.
Didto iyang gisaysay kanamo ang iyang kinabuhi sa dili pa siya initiado, sa iyang pag uban-uban sa maestro ug sisaysay usab niya ang kinabuhi sa maestro sumala sa iyang nasaksihan ug nasayran. Daghan sa iyang gisaysay ang kinabuhi ni Mons. Camilo C. Diel Sr.ALFA, tungod nahimo man siya kanhi Driver ni Mons. Camilo C. Diel Sr.ALFA maong daghan ang iyang nasayran, dako among katingala kay sila pareha ra ug mga tambag.
IKATULONG PANAW KANG APOSTOL ANGELO OCO/KOLUGI SA PAPEL NI APOSTOL SAN SANTIAGO I
ANGELO OCO:
Ang Sinugdanan sa Akong Pagtoo kang Mons. Camilo C. Diel Sr. nga mao si ALFA
1 Sa akong pagka batan-on nagdako ako nga usa ka sakristan sa Romano nga simbahan nagtubo ako nga nag-alagad. Ug kaniadto akong gasaway-sawayon ang simbahan sa Taytay Chapel sa IFI kay gamay kaayo wala ako magdahom nga IFI ang relihiyon sa akong na asawa, ug dunay lecture nga nahitabo nga gusto nila nga maka apil ko pagpaminaw apan nagdumili ko kay para sa akoa panapi ra kay na komparar nako sa panahon sa akong pagka-sakristan sige ko ug pangupit sa halad apan wala damha naka paminaw gayud ako sa lecture ug medyo nakasabot ko gamay. Naka desisyon ko nga magpa-inisyal uban sa akong asawa ug na inisyalan gayud mi nag- ingon akong asawa nga magpalit mig PIN misupak ko kay panapi gayud diay, pero tungod sa akong asawa nilakaw nalang ko nagpalit ug PIN adtog Cagayan De Oro City ug sa sakyanan gabagol-bol akong huna-huna. Tungod sa kadaghan sakop nga mo palit sa PIN dako kaayo ug masapi. Pag-palit nako gihatag ni Mons.Camilo C. Diel Sr. ALFA ang akoa ug ang para sa akong asawa ug miingon siya “ikaw ra ang mag-taod sa imong asawa.” Ug akong gika tingad-an sa akong pag-uli sa dihang gikuha na nako ang sudlanan sa PIN sa akong asawa ug sa akong pagtan-aw adunay kwarta nga naka dikit nga kantidad sa duha ka PIN na konsensya ko kay iyang gi-uli ang bayad sa PIN. Ug nagbasol ko nga sayop diay akong pagduda. Ug natingala ko nganung nakabalo siya sa akong gihuna-huna.
TARGET
2 Adunay panahon nga ang apo ni Mons. Camilo C. Diel Sr. ALFA. Nga namirya sila uban ni Atty.Diel nga anak ni Mons. Camilo C. Diel Sr. ALFA, nag hinambog ang bata “lolo dako kaayo among daog kay shooter kaayo si Daddy!”, “lolo kuyog ta sa sunod!”. Sa sunod nga higayon nag-uban sila ug didto dili na maka igo ang iyang daddy sa dula nga “TARGET” ug napildi sila ug miingon ang bata “ayaw na sunod kuyog lolo! Kay dili maka-igo si Daddy! Kun naa ka!” ug mitubag si Monsignor “looy sila, looy! Kay mao rana ilang panapi.”
Ang Pag-ayo ni OTOMO
3 Pagdaot ni Bonjo Macatual/OTOMO, igsuon ni Apostle Epifanio Macatual/PIGUTO, dili naman gayud mutambal si Mons. Camilo C. Diel Sr. ALFA. Maulaw si Pari Panyo maong gihangyo ni Elioterio Macatual/RITURI si Mons. Camilo C. Diel Sr. ALFA kay ang mata ni Bonjo Macatual/OTOMO gilawa-lawaan na. Ug miingon siya “Sige-sige adtua ninyo” mao ni himua ninyo.Sa dihang didto na sila sa balay ni Bonjo Macatual/OTOMO ilang gipapangayo ug pasaylo kay daghan pakag anak ug gibutangan nila ug olio ang mata, ilong, baba, dalunggan, agtang ug naulian siya pero nibiya ra gihapon sa pagtoo kay naglain.
ANG AKONG MGA NASAYRAN
Sa Bata pa si Mons.Camilo Diel Sr. ALFA
4 Sa panahon sa pagskwela, adunay bata nagdagan padulong niya ug miingon, “milo, milo akong kwarta nawala”, nitubag si Mons. Camilo C. Diel Sr. ALFA. “agpas,agpasa kay ang singko centavos, napalit na” ug ang bata midagan pag agpas ug iyang nabawi ang kwarta ug kulang lang gayud ug singko centavos.
Sa bata pa siya, nanagna na siya mao tong sa skwelahan didto nakurat ang maestra kay iyang gitag-an nga “maam ikaw maam, di man ka minyo maam pero daghan nakag gikapuyo” suko kaayo ang maestra, giignan pagyud niya “ tungod anang imong ila” misamot kasuko ang maong maestra nganong na sayod man ang bata nga dili man siya taga Leyte.
Sa Kwarto ni Mons. Camilo C. Diel Sr. ALFA
5 Sa nagpuyo pako sa balay nilang Mons. Camilo C. Diel Sr. ALFA, pagnaay mag halad didto sa iyang balay ug pagkaon akong dal-on sa taas aron makakita sa kwarto ni Mons. Camilo C. Diel Sr. ALFA. Ang Santo Kristo nga naa sa kwarto ga milagro maoy sulti sa kadaghanan nga naka sulod didto. Adunay panahon nga si Bam-bam, si Apostol Pedro Clapano ug si Apostol Gomer naka-adto sa iyang balay sila tanan akong gi-kondisyonan, matag-anhi ninyo diri halaran gayud ninyo ang Altar kong mosaka mo diha sa hagdan, permerong hagdan panguros gayud mo, pananghid pud mo aron dili ko mabalasikan, hinaot ALFA nga imo ming tugutan pagsulod. Makita gayud ninyo diha nga ang halaran dako kaayo ug daghang pagkaon. Sa ilang pagsulod, lipay kaayo ug nihalok dayun sila sa Sto. Nino nga naay mutya, matud pa ni Bambam grabe ka kusog ang pwersa.
Adunay panahon ang mga Mothers nga taga Igpit nga naka anha ug naka sulod sa iyang kwarto nga nang gi-maroon unya nanluhod ug nag-ampo, ug naka ingun sila pastilan ang gahum nga among nabati grabe pagkakusog, bisan paggawas namo ni na bati-an gihapon namo didto sa iyang chapel ang pwersa, matud pa sa taga Igpit nga Mother maong naka ingun ko nga hayahay kaayo sila kay nang gi-maroon man.
Damgo nga ni abot sa Akong Kinabuhi
6 Adunay panahon nga wala nako nag serbisyo sa ilahang Mons. Camilo C. Diel Sr. ALFA, kay si Zalde gilukatan ug lisensya maong wala nako modrive, gihatagan nakog higayon si Zalde nga makadrive pero miingon si Mons. Camilo C. Diel Sr. ALFA. “Sakristan, sakristan rana siya” apan nibiya gihapon ko. Pakit-on pa bitaw ko sa damgo nga ga longsleeve si Mons.Camilo C. Diel Sr. ALFA ug puti nga mihuot sa gutter, sa akong pagsabot nagpatabang. Wala gihapon ko mitoo Ikaduha, nakakita napud ko niya nag suot og pink ug unya puro bulak sa kalachuchi ang iyahang gisilhig nga sa akong pagsabot magpatabang gayud. Sa Ikatulo nakita nako nagdrive siya ug bulldozer nga dili makasubida bisag unsaon ug pasubida dili gayud kasubida sa akong pagsabot ipabalik gayud ko wala gihapon ko miadto.
IKADUHANG NASAYRAN
Si Atty. Diel ni adto sa Jerusalem
7 Kini nga storya bahin sa iyang anak nga iyang gipalarga nga walay passport. Si Mons. Camilo C. Diel Sr. ALFA nag ingun sa iyang anak nga“Jun larga ka ugma”, ug siya mitubag “ayaw’g ana pa”, mibalik siya pag-ingun“larga ka ugma sa Jerusalem” kay akong gamiton ang imong kuhaun didto nga yuta, lana, ug tubig para sa Ash Wednesday ug milarga na siya. Miadto una siya’g Manila ug giadtuan niya iyang amigo nga abogado nga nag-ingon “di mana pwede Jun, magprocess paman ka niana” ug siya mibalik sa iyang papa ug miingon “pa dili mana pwede pa, magprocess pata ana ug bill bond” ug dayon si Mons. Camilo C. Diel Sr. ALFA nagbuhat ug sulat nga pinirmahan niya ug gihatag niya sa iyang anak ug miingon “oh jun larga na! ug milarga na dayun siya”. kada-adto niya, kada dunggo niya sa iyang padulngan igo ra niya ipakita ang sulat nga bisan asa wala nay daghan nga pangotana, kada pakita ug bisan asa ipakita diretso makasulod dayun.
Sa dili pa siya makaabot sa Jerusalem moagi pa siya sa Singapore ug sa iyang pag-abot sa Singapore nagplano si atty. Diel ug nakaingon sa iyang huna-huna “makuha lang nako ning gipakuha ni papa, musuroy sa ko diri pagbalik’’. nagtawag siya ug taxi ug siya gitabo sa usa ka taxi color black, ang taxi driver miingon “her eyes is black very beautiful” naghanggat saiya ug babaye ug siya nakaingon sa iyang hunahuna “pa ug matintal ko ani wala gyud koy sala” ug siya wala gayud matintal. Pag-abot niya sa Jerusalem, gitabo siya ug duha ka tawo nag sul-ob ug itom nga biste dili maklaro ang mga tawo nga nagtabo kaniya ug giatiman siya. Sa nahuman na niya ang gikinahanglan dayong pauli. Sa pagbalik niya sa Singapore, nawala iyang duha ka bag ug wala na siya’y gamit. Mao nga mipalit na lang ug mga kamisin. Nabalaka siya kay tua raba didto ang tanan niyang mga gamit apil ang gipakuha saiya ug siya gitawagan nga ipapauli na ang dako niyang katingala nga ang iyang duha ka bag nag una nag abot saila.
Ang Pag lakaw ni Mons.Camilo C. Diel Sr. ALFA sa Dagat
8 Ang nahitabo didto sa Surigao nga nahisama ang pang hitabo ug kaagi ni kristo nga milakaw ug dagat mao gihapon ang Ginoo sa unang panahon na mao gihapon si ALFA. Ingon niini ang sugilanon; ang usa ka bata kanunay makadungog o makabati sa mga sulti-sulti sa mga katigulangan, ang mahitungod sa usa ka pari nga milakaw ug dagat, ang bata na naminaw nakapangutana sa iyang kaugalingon kung unsa ka tinoud kining iyang nabati. Ug aduna pa gayod sulti nga usa naka Obispo sa Cagayan de Oro, ang kalinghod sa huna-huna sa maong bata buot niyang mahimamat ang maong Obispo aron niya matino ang kamatuoran ug ang tinuoray nga panghitabo. Tuod man para adunay katumanan ang mga pangandoy nag pari siya ug tuod man sa nahimo na siyang pari, milangyaw siya pinasikad pinaagi sa iyang kaugalingong pag paningkamot aron iyang matubag ang dugay na niyang gusto nga mga pangutana. Pag abot niya sa Cagayan de Oro, mideritso siya ila padre Telen kay kauban man sila ug klassmate sa simenaryo kang pamurcan ug gisaysay niya unsay hinungdan nga nka-abot siya dihang dapita. Pila ka gutlo ang milabay gi-ignan siya ni padre Telen nga mangadto sila sa Iligan, samtang sakay na sila sa maong sakyanan wala kini damha nga nakahunong sentro gayod sa simbahan sa molugan murag natuyo o gituyo ang maong higayon. Maong nakapangutana ang pari nga ang bata nga gihinganlan sa unahan mao si padre Flores, mitubag si Padre Telen sa mga pangutana nga “fiesta karon? naa diha karon si Mons. Camilo C. Diel Sr. ALFA?” napanganga ang pari daw nakurat busa miingon ang pari nga manaug sa sila. Sa didto na sila sa simbahan mi-amen dayon si Padre Telen kang Mons. Camilo C. Diel Sr. ALFA, samtang si Padre Flores didto nasad kang Maestro ug dayong sukmat “Mons. Camilo C. Diel Sr. ALFA, unsa ka tinoud nga milakaw ka ug dagat sa Surigao?”. ug dayon mitubag ang maestro “ Oo tinood na, milakaw ko kay daghan ang masakiton sa pantalan”, mibali pag-pangutana ang maestro “ nahinumdom ka dre, 1975 gipakog ko nimo sa bong-bong.” Dayon katol-katol sa iyang ulo ug mitubag ang pari “ang aha adto Monsignor Camilo C. Diel Sr. ALFA?”mitubag na pud ang maestro “1975 gipakog ko nimos bongbong” mitubag ang pari “ay tuod Mons. Camilo C. Diel Sr. ALFA, nadigyas akong sapatos sa kabug-at sa Dignum tungod sa kadako niini.” Nakurat ang maong pari nganong nasayod man ang Obispo, didto diay siya? didto niya nasabtan nga si Mons. Camilo C. Diel Sr. ALFA ug ang Dignum kung Santo Kristo usa ra.
Katingalahan nga ni abot sa Akong Kinabuhi
9 Sumala sa akong mga kasinati-an sa akong kinabuhi wala ni sa ubang simbahan, samtang nagkauban kami sa bay-bay Bulua kanhi nag-hanggat ang maestro nga maligo mi, tuod man sa didto nami sa dagat siya naglukdo ug planggana kay manabo mi sa nanagat ug sa diha nga taga pusod ang tubig miingon ang maestro “imong Pin” misupak pa gayod ko nga dili Pin nakalitan man gud ko. Maong mibalik mi daplin sa Lapyahan iya kung gisugo sa pag adto sa namaling, pag-abot nako mao gayod pagkahuman, gitawag dayun ko ni Tino ug miingon “Angelo kilawa ning usa ka tamban mao ra gayud nang usa” dayon uli pag-abot nakos rest house nga nag lukdo sa isda nga akong gikuha sa namaling samtang mipa-ingon sa kusina, gipangutana kos maestro nga “naa bay tamban?” mitubag ko nga “wala” apan sa wala pako kaabot sa abuhan nakadomdom ko nga gi tagaan kog isa ka buok tamban maong sa akong huna-huna na sayod na siya. Ang pangutana nganong sa kadaghan kaayong kuha kadto pa gayong isa ka tamban?, ug ang ako pa gayong gikatingad-an kay waman toy sakayan nga nabilin kay ila mang gipanggamit? usa kini ka pangutana nga nagdala sa usa ka tanghaga, kahibulongan naglibog manko apan gihikling ko ang tanan basta kay siya mao na siya.
Ako ug ang Maestro
10 Usa ka higayon niana desperas to sa San.Juan saba kaayo ko maong gipatawag ko sa maestro. Sa dihang miduol ko miingon ang maestro “hilota ko, hilota ko” pag-abot nakos sulod mihigda ug gitagaan ko niyag alcohol akong gipislet sa tuo, wala mogawas walay nipugsit maong gipasa sa walang kamot wala gihapon maong nakahuna-huna ko duhaon nako pagpislit syarog di mogawas, tungod sa kakusog sa akong pagpislit migawas ug mi paingon sa iyang mata dayon milagsik sa iyang likod kay miingon man siya nga “ buta, buta ko” sa akong kahadlok naka ingon ko sa akong kaugalingon bahalag magbuntag ko ug hilot ayaw lang ko ug silote. Sa akong kabalaka ug kahadlok maoy mipasulabi maygani kay pagka taod-taod misulti siya nga “ salamat,salamat maayo nako” ang akong gibuhat migawas sa rest house ug murag walay nahitabo, abi ninyo ang maestro mahilig sa tiaw-tiaw. Malingaw lang siya maoy usa sa akong gikatingad-an apan sa atoa mao sa kahadlok ug kabalaka kay na sayud na kita kong kinsa siya.
Usa ka higayon niana samtang nangaun mi sa kusina kauban si Lito Dungo, miingon ang maestro kwentaha kung pilay magasto sa mga pisa nga mapalit dayong lakaw pa ingon sa Cathedral. Sa among pamauli diha nami sa crossing west bound miingon ang maestro, “Larry pag-abot nato pagkuhag kwarta sa opisina 3,000 e-lain ang 700”. Sa among pag-abot giduolan kung Lito ang mekaniko ug miingon, ang Pisa 680 ato na lang e 700 kay pangapi ang 20, dayon mitunga si Larry ug miingon “hala ka Long nakadom-dom ka nga miingon si Mons. Camilo C. Diel Sr. ALFA, nga mag kuha ug kwarta! unya 3,000 ug ipalain ang 700” nahibulong mismo si Larry ang pididos sa mekaniko nahibaw-an na man daan sa wala pa moabot sa iyang balay, ang kahibulongan pa gayud kay mitunga pagkalit ang maestro ug giignan si Larry “karon ka pa? kadugay na natong panagkuyog wala kapa.?. wala na tiwasa sa maestro pag storya, sulod dayon ug balik pero kami nga diha sa lamisa nahasagmuyo ug nagtinan-away.
Si Mons.Camilo Diel Sr. ALFA ug si Emma Vagas
11 Dihay panahon nga miadto mi’g Cathedral sakay si Emma Vagas, nga taga Cabalenti-an samtang nagdagan ang sakyanan, diha gihapon mahitabo sa crossing west bound kalit lang misulti si Mads Emma nga miingon “Mons. Camilo C. Diel Sr. ALFA, ang akong anak nga sundalo” wala pa gani makahuman ug sulti si Mads Emma gisalo ni Mons. Camilo C. Diel Sr. ALFA. “imong anak dili opisyal pero nagdala ug usa ka squad nadakpan sa mga rebelde” mihilak na gayud si Emma kay nadakpan baya mitiwas pag sulti ang maestro “ayaw,ayaw kabalaka kay buhian,buhian” ug sa pag-uli sa iyang anak nga sundalo, misubay kini sa nahitabo kaniya sa mga kamot sa mga rebelde, nga matud pa niya misulti ang rebelde “mag pasalamat ka kay ikaw pa ang sundalo nga among nadakpan nga among buhi-an kay kasagaran putol ang Li-og”. Niadtong panahuna gubot kaayo ang Surigao.
Ang Kinabuhi sa akong Pagka Apostoles
12 Ang mga pipila ka mga panghitabo sa misyon sa mga apostoles, abi ninyo niadtong mga panahuna kulang kog pagsalig sa akong kaugalingon mahitungod ning gimbuhaton o tulumanon sa mga apostoles. Ug sa ngadto naanay akong nakaplagan ug nabatyagan nga among mga lakaw dili diay ti-aw, ngano man? tungod kay unang una ang mga lugar nga kanunay nang gibisitahan sa mga Apostoles, sa taga Cathedral Cagayan de Oro sa Bulua, Lapasan.Tin-aw ug uban pang mga parokya nga naanay ilang kaugalingong Apostoles. Anhaan o paanhaan sa maestro maong giignan ming mga apostoles sa una nga akop-akupon, apan dili kini among kabubut-on kundili sa pagboot sa maestro wala mi mabuhat kung dili mag buhat sa mga gimbuhaton sumala sa gisugo kanamo. Ug nahitabo kini sa Malitbog niadtong higayuna isa pay akong biste, mabasa intawon pagka ugma isul-ob nasad. Kini nga misyon naghatag kini kanakog leksyon niadtong higayuna. nagsaad ko nga maghatag ug manok kay tali-abot man ang fiesta sa Sr. Santiago. Sa didto nami sa area, gi bulag-bulag mi ug assign sa among chairman adunay didto ma assign sa Sumaljag nga gahangdon ang bukid, samtang ang uban didto sa Sampiano, motabok una ug suba sakay sa balsa ang agianan nga bukid. Gamay’ra ang agianan, kung modigyas imong tiil, karne ang labas tungod sa kahabog, ang uban tua ma-assign sa ilang pagbana 18 kilometro motabok ug kaduha sa suba isaray adto-an, nitibo nga matud pa, paspas ang boto-boto kay grabi ang gubat gali gipusil na siya apan wa gayud madutli tungod sa puting bato nga gipasul-ob, pag balik lahi na pud nga 18 kilometro namalik mis parokya gabie na. Sa among pag pamalik nakadala ming apostol Elioterio sinablay ang mga manok o kinarsa sa liog sa kanding, miingon ko sa akong kaugalingon nga dinako mohatag kay daghan naman ang manok. Pag-abot meeting pa gayud bisag tugnaw na ang chairman mao gayud mangako basta lisod ang adto-an o layo ba, kadlawon molaktod silang chairman Malitbog paingon Claveria, samtang ang mga gwapong luyahon sakay bangko sa sakyanan.Assign mig Libuna ang bala-od maka sigarilyo lang kong adunay kailisan nga Chapel, apan tungod sa bisyo ang nagsugo nabanlod silas sa walay nada. Ang resulta nangawala sila sa pinyahan ug nga naghuna-huna sila nga dili na mo misyon tungod sa nahitabo kay giwala man nila ang pahimagno.Sa Lunao Gingoog may mga area nga dili masudlan tungod kay critical nga area, apan tungod sa hugot nga pagsalig sa butang nga among nadawat, sulong! mao may sugo ang pag bisita or paghatod sa mga panalangin. Gipangutana sila sa mga pulis nga nagbantay adtong dapita, “asa mo paingon?” mitubag ang mga apostoles sa “ibabaw”, tubag sa pulis “dili gani mi mo adto nga naa mi armas, kamo na hinoon?” tubag sa apostoles “dili man away among tuyo sir.” Sa didto na sila, ilang mabati ang release sa gato sa mga armas pero ang kaisog nagpabilin tungod sa nagsugo sa maong misyon. Sr. San Isidro talakag, gikan sa high way mga 200 meters, may dakong suba nga lawom may tulay nga hanging bridge gikan sa ibabaw samtang nagdungaw mi adunay hagdan nga perting taasa kun diko masayop sumala sa nag ihap, 520 ka pangkog nga semento.pagtabok namo sa hanging bridge, Gahangdon nasad namo ang among pagaadto-an gitawag kining lugara ug “SANTA. MARIA” ug sa among pag subida sa tunga-tunga palang nakag suka ug dugo si Apostol Willie, pag-agi namo sa hanging bridge luoy kaayo ang uban kay ni kamang kay gatay-ug tay-ug. Niapay nindot nga misyon, nahitabo kini sa Argayoso, kutob sa balay nga among masakaan pagkanaog namo ang mga tawo sa matag balay mouban murag parade o prosesyon.Daghan pa kaayo ang mga panghitabo sama ni Apostol Gomer, namatay iyang papa nga wala intawon makatambong.
Si Mons. Camilo C. Diel Sr. ALFA didto sa Dapitan
13 Mao ni ang isa sa akong mga nasayran sa mga milagro nga gi buhat ni Mons. Camilo C. Diel Sr. ALFA. Adunay 3 ka tawo nga gisugo ni Mons. Camilo C. Diel Sr. ALFA nga mag misyon, usa si Ruben Ecleo nga driver, si Tomas Euginio nga sacristan, ug Esko Lumamba nga janitor ni Mons. Camilo C. Diel Sr. ALFA. Giingnan sila ni Mons. Camilo C. Diel Sr. ALFA “Uban tah ugma sa Dapitan City kay naa tay tabuon nga pari ug madri”. Pag adto nila didto pagkabuntag sayo, nakakita sila nga ang OBISPO naay gikastorya sa altar, pagka ugma gisugo sila sa Obispo sa pagpangita sa usa ka madre , gitagaan niya kini ug papel, gistoryahan sila nga adunay madre nga namatay nga wala pa nasulod sa lungon. Sa ilang paglakaw gibawalan sila sa pagtingog. kon adunay makigstorya kanila, ila lang ipakita ang papel nga ilang gidala-dala ug nakaabot sila sa kalubian nga naay balay nga adunay gihaya ug nisulod sila sa balay ug gituman nila ang sugo ni Mons. Camilo C. Diel Sr. ALFA. Paghuman, nigawas sila ug sa ilang pag gawas, nahadlokan sila kay sa ilang paglingi gisunod sila sa daghang mga tawo nga nagdala ug mga masakiton kay nagpatambal kanila, mao nga nag ingon sila nga “dili mi mananambal” apan miingon ang mga tawo nga “unsay dili mananambal nga nabuhi man gani ang minatay nga gihaya, unsa pa kaha ang mga masakiton nga among gi dala”. Tungod sa nahitabo gibuhatan nila si Rubin Ecleo ug dakong simbahan.
Si Mons.Camilo Diel Sr ALFA didto sa Dagat
14 Didto sa naawan adunay mga mananagat nga nanagat ug wala silay kuha ug nikawas sila sa baybayon, ug sailang pag abot sa baybayon, ilang nakita si Mons. Camilo C. Diel Sr. ALFA ug ang Obispo nangutana kung aduna ba silay kuha ug mitubag ang mga mananagat nga wala silay nakuha, ug si Mons. Camilo C. Diel Sr. ALFA miingon nga itaktak ninyo dihang dapita, ug mireklamo ang mga mananagat nga sila gikan na niadtong dapita ug wala silay nakuha ug si Mons.Camilo C. Diel Sr. ALFA miingon nga taktaki ninyo pag usab, ug nahibulong sila tungod sa daghang isda nga ilang nakuha nga halos mounlod na ang sakayan tungod sa kapuno.
Tambag:
kong magbasa mo ug bibliya, ayaw ninyo huna-huna-a nga daghan ug sulod. I lingaw-lingaw lang ang ginhawa, di lang matagdan mabasa na ug hurot. Pareha sa pag-alagad, Kung magkwenta ka sa kadugay, laayan naka di na dayun ka ganahan. Himuon nimong habit ang pag alagad.