PASIUNA

Niadtong Hunyo 24,2017 adlaw nga sabado alas 8:00pm sa gabii domingo sa buntag 5:00am sa Opol Misamis Oriental didto me sa balay ni Apostol Gomer Igloria/ELLEGO sa Papel ni Apostol Santiago II. nagkasabot me nga human sa misa sa San Juan, didto me sa ilaha kay mao raman pud Ang bakante niya, tungod kay naa man siyay trabaho ug didto gisugdan japon namo sa pag ampo, pag kahuman,gi sugdan na niya ang pag saysay sa iyang kinabuhi ug mga milagro. Apan samtang kamulo me ug hisgot sa iyang kinabuhi adunay dautang Espiritu nga misaboy ug hapit na sudlan ang among kauban nga bag-o pa nasakop sa pagtulun-an ni ALFA. Mikurog kini nga dili niya masabtan, gitabangan namo ug gunit ug salamat ni ALFA kay kini naulian. Didto among gipadayon ang storya hangtod na abtan me sa kabuntagon. Among gikatingalahan nga wala kami nabati nga katulogon ug milahutay gikan paman sa 23-24 sa gabii.

IKA UPAT NGA PANAW DIDTO KANG APOSTOL GOMER IGLORIA/ELLEGO SA PAPEL NI SANTIAGO II

Sa Panahon sa akong Pag-skwela

1  Sa akong pagkabatan-on nagdako ko nga nakaila na daan ni Mons.Camilo C. Diel Sr. ALFA Tungod kay akong mga ginikanan Inisyado na daan. Sa dihang wala pa ako ma Inisyalan ako niagi pagka enchanted. Adunay usa ka panahon nga sa akong pagskwela sa Saint Joseph aduna akoy nabarkada nga palangga kay ko niya, hinatagan sa kwarta ug sa panahon sa ting kaon ako iyang ginadala sa usa ka kan-anan sa akong panan-aw, apan adunay misubay kanako ug nangutana “nag-unsa ka sa kakahuyan? kinsa imong kauban diha? Nag unsa ka diha?” ug didto adunay nakagstorya kanako nga undangon nako akong pag uban adtong tawhana kay dili na siya ordinaryong tawo.

Ang Gahom sa kanta nga Sr. Jesus Nazareno

2  Ako gipa inisyalan sa akong ginikanan aron matambalan. Adunay usa ka higayon nga ang akong papa nakig engkwentro ug kapre kay siya makakita man ug mga dili makita sa usa ka ordinaryong tawo ug sa dihang niuli siya sa among balay gisundan siya sa maong kapre ug gihuyong ang among balay ug gitawag mi niya nga mga anak ug kami nanganta ug Sr. Jesus Nazareno ug nawala ang maong kapre.

Nahimo kong Evangelista

3  Sa dihang na Inisyalan ako giaghat ko ni pare Panyo, usa ka kauban nga Apostoles nga mahimo kong usa ka Evangelist ug didto mi gikonsagrahan sa Bulua, Cagayan de Oro City, ug ako nahimong usa ka Evangelista.

Ang Kinabuhi sa akong Pagka Apostoles

4  Tuig 1985, nagtukod ug Apostoles ang Molugan ug ako usa sa nakuha isip usa ka Apostoles sa papel nga Santiago II sugod niadto sigi nami ug misyon ug wali. Ang akong pamilya ako ng gakabiyaan kay kami ginapadala kong mag misyon sa tibook Misamis Oriental, Bukidnon, Camiguin/MOBUCA. Adunay usa ka higayon panahon sa misyon akong asawa buros ug siya akong gibiyaan nga walay gibilin nga pagkaon sa panimalay, akong gitugon akong asawa nga “dai, bunyagi ang tabako nga nilukong ug gitugon usab nako siya nga ipatanom na kong mag ulan”. Sa didto nako sa misyon nag ampo ko ni Mons.Camilo C. Diel Sr. ALFA nga “ ALFA, ikaw nay bahala sa akong pamilya, hinaot nga mo ulan aron matanom na ang akong mga tabako” ug wala damha ni ulan gayud pero tungop ra sa akong duluna sa kaumahan. Sa pag-uli nako sa misyon natanom na ang tabako ug naningala ko nga gisugat ko sa akong igsuon ug siya miingon “hangol kay kag panalangin mer, imoha ramang uma imong gipaulanan” ug ako mitubag “dili oy, ang Ginoo ray nagbuot niana”

Ang Milagro sa akong Pag-panarbaho

5  Sa panahon nga kami nagkalisud-lisud nag-ampo ko sa Ginoo nga tagaan ko ug hayahay nga trabaho ug salamat sa Ginoo nga gidungog niya ang akong pag-ampo, apan sa pag misyon na nag problema ako kay bag-o pa ako sa trabaho, dili ko maka leave ug ako wala mikuyog sa misyon apan wala nako damha nga sa akong pag uli gikan sa trabaho, ang akong anak nagdula sa washing machine ug kini nakuryentehan. Sa akong paglantaw akong bata lagom na ug wala na kiniy kinabuhi, gidala ko siya sa altar nagpatulo sa akong luha ug misinggit ko “ ALFA, mo misyon nako buhi-a lang ning bata” ug sa akong pag-gakus sa bata adunay nipaak sa akong dalunggan, nabuhi ang akong anak. Human sa nahitabo giignan ko sa akong asawa “pamatyon man diay ta kong dili ka mo misyon, pag misyon bahalag wala tay pagkaon”. Niabot na usab ang misyon ug ako mi file ug leave, apan ako wala tuguti, akong giignan akong kauban nga bisan wala ko tuguti mo absent gyud ko, ug sa panahon sa misyon ako mi absent gayud. Pagkaugma nibalik ko sa trabaho akong kauban miingon “Oy, ingon ka mag absent ka, naa man lagi ka gahapon?” ako nakaghinuktok ug sa dihang pag abot sa payroll diha nako na prove nga naa gyud diay ko, gani akong gireklamo ngano naa koy agi nianang adlawa nga sa akong paghinumdum ako mi absent anang higayuna ug ang HR miingon “ naa man kay agi ana kay naka in man ka, gali nakit-an man gani ka nako nga nag assist sa silong”

Sa akong Pagtoon sa mga Pulong

6  Sa akong pagka Apostoles naa koy gitun-an ug adunay nagtudlo kanako nga ang pulong pagalitukon 1,000 times ug kini akong gihimo, akong nakita ang epekto nga maayo ug adunay niduol kanako nga usa ka tawo nga adunay sakit sa itlog, giabot taman sa tuhod ako kining gitambalan ug kini naulian, apan adunay balasik nga nahitabo sa usa ka myembro sa akong pamilya. Ang akong anak na enchanted ug siya miingon kanako “Pa, undangi na ang pag-litok sa pulong 1,000 times kay nangasuko sila sa imo, dili ko nila hunungan hangtud dili ka mo undang niana” ug didto akong na realize nga ang paglitok sa pulong 1,000 times adunay maayong epekto apan adunay balasik sa pamilya.

Ang Akong Pagtoo

7  Adunay nangutana kanako kong unsa kahugot akong pagtoo nga si Mons. Camilo C. Diel Sr. mao na si ALFA, ako mitubag “Sa akong kasinatian nga nahitabo sa akong kinabuhi, ilabina sa nahitabo sa akong anak, ako mas nakatoo nga si Mons. Camilo C. Diel Sr. mao na gayud ang ALFA ” ug akong nakwenta gikan sa pagkahimo nako ug Apostoles hangtud gisipa mi sa IFI, 30 ka tuig 1985-2015. Kong ang tawo abton na sa mga pagsulay sa kinabuhi makaingon ka nga dili gayud sayon maayo pa na lang nga mopuyo sa elalom sa lasang, ngatingong ra sa langgam ang imong madunggan kay maayo pa ang tingong sa langgam kay mohapohap sa imong dughan. Kay ang kinabuhi sa tawo adunay maayo ug adunay dautan ang maayo makabaton ka ug maayong panglawas sa kinabuhi ug maayong kahimtang sa pamilya. Ug ang dautan mao kadtong sungog-sungogon ka sa imong kinabuhi, elabina kun abton ka sa mga dagkong balod sa kapalaran.

Gilatid ng Daan

8  Adunay panahon nga ang akong amahan nahiagum sa katalagman nga nadisgrasya sa hinanaling kamatayon atol pa gayud sa maong misyon sulod sa usa ka bulan ang panaw sa mga Apostoles. Ug maoy among na uli-an ang patay nga lawas sa akong amahan nga mao si AROGOug wala ko kasabot sa akong gibati nga mao diay kini ganti sa maong misyon. Busa ang tanan akong gihangad sa taas nga Ginoo ikaw ra ang mag-igo sa maong suliran. Ang balaang kasulatan nagparamdam sa iyang mga tinawag ug pinili nga kinsa kadtong magabiya ug balay,igsoon,asawa,anak,ginikanan makabaton ug ganti didto sa taas mao kana ang hinungdan ngano nga ako nagpabilin niini nga pundok, tungod ug alang nga Gilatid diha sa balaang kasulatan.

Ang Kinabuhi ni Jimmy Manlunas

9  Adunay tawo nga si Jimmy Manlunas gikan sa sidlakan nga miabot dinhi sa siyudad sa Cagayan de Oro City nga usa ka negosyante misaysay siya sa iyang kinabuhi nga iyang nasinati, nga sa iyang pagka batan-on iyang gikahibalag ang usa ka tigulang didto sa taliwala sa lasang. Ug aduna silay gikasabutan nga gitaga-an siya ug kabhang sa alimango gitugon siya sa tigulang nga magkita ra sila pag-usab.Pag-abot nila sa Cagayan de Oro City ang iyang asawa nakatambong sa lecture sa Bible Study, naghisgot mahitungod sa 24 ka tema ug ang nagpahigayon sa maong Lecture sila ni Efipanio Wabe/PONIBO ug sa pagpaminaw sa iyang asawa sa unang adlaw iyang nasuta nga patsada ang Lecture. Sa pag-uli niya sa ilang panimalay iyang gi-aghat ang iyang bana nga si Jimmy Manlunas ug unsay estorya, nakadawat sila sa ikaduhang ngalan ug batong puti nga sinulatan sa tudlo sa Diyos. Miabot ang panahon adunay apper sa Baybay Bulua Cagayan de Oro City didto nahinumdom ang tawo nga gikan sa lasang, nga gitaga-an siya ug kabhang sa Alimango sa Maestro nga magkita ra kita pag-usab gisantop sa iyang hunahuna nga dili diay ordinaryong tawo nga iyang nahibalag didto sa taliwala sa lasang, iyang na aprobahan sa iyang kaugalingon nga mao siya. Mao kadto nga sa matag apper sa kalihokan sa simbahan dili niya ikalimod nga mao na gayud siya ang gikan sa taas, ang nabatasan sa mga tawo mo Amen sa Maestro sa Sing-sing ra,Apan sa iyaha teel kay dili ordinaryo ang iyang pag-ila kang Mons.Camilo C. Diel Sr.ALFA.

YUKBO:

Mabuhay ang mga tawo elabina sa mga Youth sa 63rd and Mothers Apostolic Church of the Philippines sa inyong pagpalambo sa maong kalihokan. Salamat...Salamat...Salamat...

TAMBAG:

Kong gusto mo nga ang pulong ninyo mulihok, pailob lang mo.