PASIUNA

Niadtong Hunyo 25,2017 adlaw nga Domingo Alas 8:00 sa gabii hangtod sa Lunes 3:00 buntag. Didto me nag tapok sa Simbahan sa Tuburan Taytay Elsalvador City, aron maminaw sa kinabuhi ni Apostol Raul Naguita sa papel ni Apostol Bartolome. Apan ni abot na lang ug 11:00 sa gabii wala pa gihapon siya miabot, adunay among kauban nga miingon 'kun dili gyud mo abot si Apostol Raul Naguita inig alas 12 sa gabii si Apostol Nazareno Langala sa papel ni Apostol Matias na lang ang maoy mosaysay sa iyang kasinatian mahitungod kang Mons. Camilo C. Diel Sr.ALFA ug sa iyahang kinabuhi. ni abot na lang Alas 12 sa tungang gabii Wala pa gihapon ni abot, si Apostol Raul Naguita busa nagkauyon nga si Apostol Nazareno Langala maoy Magsaysay sa iyang mga kasinatian. Ug didto iyang gisaysay kanamo ang iyang kinabuhi gikan sa iyang pagkahimugso,gisaysay usab niya kun giunsa niya pag novena aron madawat ang ikaduhang ngalan,bisan wala na si Mons.Camilo C. Diel Sr. ALFA.

Gisaysay usab niya ang iyang pagkahulog sa sala ug gi unsa niya pagbangon, labi na usab ang iyang kasinatian sa iyang pagka Apostoles. Dako among pasalamat sa Dios nga si ALFA gitagaan me niya ug kusog aron makalahutay,hangtud alas 3 sa buntag ug walay usa kanamo nga nakatulog tungod sa panalangin sa Ginoo bisag sagunson nami nga nag bilar.

IKALIMANG PANAW DIDTO KANG APOSTOL NAZARENO LANGALA SA PAPEL NI APOSTOL SAN MATIAS

Ang akong Pagkahimugso

1  Septembre 28, 1984, ako nahimugso sa Opol Misamis Oriental, pero sa wala pako nahimugso sumala sa akong mga ginikanan ug mga igsoon sa dihang gabati pa si mama adunay mihuros nga kusog nga hangin inubanan sa pag-ulan nga diha ra nahitabo sa tibuok palibot, gali nangalukat ang dagkong kahoy. Sa dihang nalukat ang dakong kahoy nga camel sa abay sa among balay, ug ako natawo ug mihunong ang unos. Unom mi ka igsoon, upat ka lalaki ug duha ka babaye akong ginikanan si Apostol Bebito Langala ug Carmelita Langala. Kasamtangang nagpuyo sa Cogon El Salvador City.

Pangayo, Pangita ug Panuktok

2  Sa akong pagkabatan-on nagtubo ko nga mahinadlukon sa Diyos, kay Initiado naman daan ang akong mama ug papa ug ila ming giagak sa pagsubay sa Kristohanong kinabuhi. Mayo 1999, miattend ko ug seminar sa 24 ka tema, ug didto akong nasabtan nga kinahanglan sa tawo ang ikaduhang ngalan. June 26, 1999, nawala si Mons. Camilo C. Diel Sr. ALFA ug miadtong higayuna mitulo akong mga luha kay wala ako mahatagi sa ikaduhang ngalan ug ako nawad-an na ug paglaum apan, sa dihang nagbasa ko sa bibliya, akong nabasa sa Mateo 7:7-12 “PANGAYO, PANGITA UG PANUKTOK”, mao tong nakahunahuna ko nga mangayo pinaagi sa pagnovena, pamasin nga ako pagatagaan sa ikaduhang ngalan.

Ang Pagpakadawat sa Ikaduhang Ngalan

3  Tuig 2000, adlaw sa badlis nagsugod kog novena akong gipangayo pamasin nga ako tagaan sa ikaduhang ngalan. Miabot nalang ang Byernes Santo, ako walay nadawat pero ako wala mawad-i ug paglaum mao nga ako nakahunahuna nga mag novena gikan sa pagkabanhaw hangtud sa Pentecostes pero wala gihapon. Pero ako wala gyapon nawad-an sa paglaum. Hunyo 26, unang aniversaryo saiyang pagkawala nagnovena na pud ko straight taman sa Agusto 14. Agusto 10 tuig 2000, nagbaklay ko sa dalan padulong sa eskwelahan adunay tingog kong nabati gikan sa taas, iyang tingog ang akong nabati nga nag-ingon “ngalan, ngalan” ug iyang gilitok ang akong ikaduhang ngalan, wala ko kasabot sa akong gibati, nalipay, niadtong higayuna. Ug sa pag uli sa balay panahon sa pag novena pagkanta nakos Sr. Jesus Nazareno, nakita nako ang mga letra nga nagsiga tinagsa pag gawas ug nakita nako ang iyang kamot nga nagpandong sa akong ulo, dili nako masabtan ang kalipay nga akong gibati. Agusto 14 tuig 2000, adunay gipahigayon nga misa didto sa Himaya, pasidungog sa ika 50 ka adlaw ni Mons. Camilo C. Diel Sr. ALFA, human sa misa akong gikonsulta ni Consultant Apostle Epifanio Macatual/PIGUTO ug didto iyang gi aprobahan nga mao kadto ang akong ikaduhang ngalan sa dihang ako kining gilitok, ug ang akong kalipay dili matukib.

Ako ug si PONEBU

4  Sa akong pag uli sa panahon sa kagabhion, natingala ko kay pag akong ipiyong akong mga mata ako naay daghang makita ug madungog, naay ga lakaw-lakaw ug lain-lain nga nawong nga mga mangil-ad nga maoy hinungdan nga ako dili makatulog. Niabot ang panahon nakalaag si Epifanio Wabe/PONEBU, milaag siya sa balay pungkol na siya saiyang tiil adtong higayuna, miingon siya sa akong papa nga kuyugon ko niya ug miingon akong papa “nah! di raba na katulog kung makalayo sa amua” ingon siya “makatulog lagi na” ug didto mikuyog ko. Pag-abot namo sa ilaa unang gabii, sa dihang tingkatulog na, pagsalop sa adlaw ga buto-buto na akong dughan sa akong hunahuna ako makaingon “makatulog ba kaha ko?”. Sa akong pagtulog misamot kay daghan akong nabatian didto, gabalukot kos habol tungod sa kahadlok, pagkataudtaud nanawag si tatay “dong, dili ka katulog?” ug ako miingon “dili lagi tay, daghan kog mabatian ug makit-an”. Niduol ko niya ug iya kong gipandungan, “open man diay kay ka dong ato ning isira, mubalik rani ug abri kung imo ning madevelop”, ug sa dihang mihilom siya lami kaayo ang paminaw sa akong lawas ug sa pagbalik nakos paghigda, wala nakoy nakita ug wala nakoy nadungog ug didto maayo ang akong pagkatulog, sulod sa usa ka bulan mipuyo ko sa ilaa, daghan siyag gitudlo sa ako ug ako daghan pung natun-an.

Ang Panan-awon mahitungod sa Paghimulag sa 63rd gikan sa IFI

5  Adunay panahon nga nakakita ko ug usa ka panan-awon: nakita nako sa simbahan sa Molugan ang taas nga linya sa mga tawo paingon sa altar ug apil ko sa naglinya niini, sa pag-abot sa altar abi ko ug nangalawat apan akong nakita didto ang mga sundalo sa unang panahon nga naghawid ug espada, ug sailang mga kilid adunay mga sinako nga kwarta ug sa akong paglantaw, adunay litrato o larawan sa Santo Kristo nga sumala sa gipamulong sa sundalo “kung mutamak ka, tagaan ka ug kwarta, apan kon dili, pagaputlon ang ulo” ug sa dihang ako na ang nakatungod sa maong larawan, giignan ko sa sundalo nga “tamak na” nagdumili ko ug misugot ko nga putlan ra ug ulo ug mihingat ang sundalo saiyang espada ug nakamata ko. Sa akong pagmata akong gikonsulta kung unsa ang pasabot niadto, nangutana ko sa akong papa, ingon siya basin muabot ang panahon dili nata kasulod sa simbahan sa Molugan, wala ko mituo sa akong hunahuna kay dili gayud kana mahitabo nga kami dili makasulod sa simbahan sa Molugan.

Ang akong Pagkahisalaag

6  Septembre 9 tuig 2004 ako nanarbaho sa Cagayan de Oro City ug nakatrabaho ko sa Ororama tungod kay layo ko sa akong ginikanan, na inpluwensiyahan ko sa barkada kada adlaw inom, gisudlan nako tanan bisyo, ang kalipay sa kalibutanon ug muuli ko sa among balay ka usa ra sa isa ka bulan. para kanako ang kalipay naa ra sa syudad, nalimtan na nako ang Ginoo, nga adunay Dios. Usa ka gabii nagdamgo ko, nakita nako si Apostle Epifanio Macatual/PIGUTO, iya kong gipikpik “mata na kay tulog na kay ka” ug nakamata ko, apan wala nako panumbalinga tunod sa pagdaldal sa barkada. Desyembre 2004, duna koy naila nga usa ka babaye ug na amigo mi. Usa ka gabii niana, nagdamgo ko nga gisagpa ko ug giingnan “mata na” ug sa pagbukad sa akong mga mata, nakita ko si Mons. Camilo C. Diel Sr. ALFA sa akong atubangan, sa akong pagkakita kaniya mitulo ang akong mga luha ug nangayo ug pasaylo, mitalikod siya kanako nga walay tingog, misinggit ko “ALFA! pasayloa ko” miluhod ko nga gasunod kaniya, hangtud sa nakamata ko ug sa akong pagmata nagtulo gihapon ang luha sa akong mga mata ug nakaghinuktok ko nga nakasala na diay ko. Sa akong pagtrabaho, ang stockman sa textile wala diha mao nga ako gitawag sa ilang head nga namalihog nga ako ang magsukod sa panapton nga gipalit sa costumer, gamay ra ang nabilin naigo ra sa gipalit ug sa katapusang tuyok adunay natagak nga usa ka butang unya sa akong pagtan-aw usa ka larawan ni Mons. Camilo C. Diel Sr. ALFA, tungod kay nakaila ko niya ako siyang gihipos. Ang babaye nga akong naila nga si Lanie, wala damha nga nahimong kami ug misubay siya sa ako nga siya naay nakita nga litrato, sa dihang nagsakay siya ug escalator, katapusang pangkog adunay larawan nga iyang nakita ug iya kining gihipos sa taas nga panahon, unya sa dihang nahimong kami iyang gipatan-aw sa ako ang maong litrato. Ug kini litrato ni Mons. Camilo C. Diel Sr. ALFA, didto akong nahunahunaan nga mao ni nga babaye ang magpabalik kanako sa dalang ispirituhanon, ug ako mibalik gayud sa sabakan ni ALFA.

Ang akong Pagkahimo nga Apostoles ug ang Anghel nga Nakig uban sa mga Apostoles

7  Mibalik kog kuyog sa misyon, ug tuig 2006 gihimo kong reserved Apostle, ug didto akong nasinati ang kanindot sa pamati kung magsul-ob ug sutana sa panahon sa misyon, sa gasakay mi sa jeep paingon sa Talakag sa balay ni Apostol Raul Naguita sa papel nga Bartolome, gikan sa Molugan nakurat ko kamulong dagan ang sakyanan kay aduna koy nakita mura kog nanan-aw ug salida nakita nako ang usa ka anghel nga nagtungtung sa atop sa jeep nga among gisakyan ug nakita nako nga gasiga ang palibot sa among sakyanan ug duna siyay espada nga ang iyang katas-on hapit mag isa ka dupa, iya kining itugsok sa atop ug mulahos kini nga gasiga ug nakita nako ang daghang dautang espirito nga naa sa palibot nga dili maihap tungod sa kadaghan, halos malukop ang lugar nga among malabyan usa ka tigbas saiyang espada mahawan ang mga dautan kay matunaw man ang dautang espirito. Ako siyang gipangutana kung unsay iyang ngalan ug mitug-an siya saiyang ngalan “ Ako si CHATCHIEL” pag uli namo gikan didto nangutana ko ni Consultant Apostle Epifanio Macatual/PIGUTO sa akong nakita ug iyang giaprobahan ug iyang gisaysay sa ako ang kaagi sa maong anghel nga nakiggubat kaniadto ug mipatay sa usa ka adlaw ug 180,000 kabuok dautan.

Sa Papel nga Apostol Matias

8  Adunay panahon nga wala na magkuyog ug misyon si Apsotle Leoni Fabria nga nagdala sa papel nga Judas Escariote, ug si Apostle Willie Rajal nagpapuli sa ako sa papel nga Mateo, apan wala misugot si Chairman Apostle Nazer Laid, kay repahon ang duha ka papel kung kinsay makasul-ob ug akoy nakabunot sa kang Judas Escariote, sa panahon sa misyon akoy nagsul-ob apan sa wala pa ang pentecostes nauyunan nila ni Chairman ug Consultant nga himuong Matias ug dili na Judas Escariote ug gitawagan ko ni Chairman nga magpatahi ko ana nga Bandana, ug ako nagyud ang nagsuot niini. Apan niabot ang panahon nga nasipa ang mga Apostoles nga sakop sa IFI ug nagtukod ug simbahan nga 63rd and Mothers Apostolic Church ug didto sa meeting sa mga Apostoles miingon ang chairman nga pulihan ang wala muuban sa grupo, ug ang pulihan adto nga higayuna, ang papel nga Mateo ug Thomas kay wala man manguban sila si Apostle Willie Rajal sa papel nga Mateo ug Apostle Arnolfo Dela Pena sa papel nga Thomas. Wala ko magdahum nga muingon si Chairman nga iapil ug bunot ang Matias kay dili pa ako ang official nga tag-iya sa maong papel, niadtong higayuna medyo naguol ko sa akong hunahuna apan nag-ampo ko saiya nga kon para sa ako ang maong papel makabunot kog balik pero ug dili akong dawaton, apan usa ka panan-awon niabot sa akong kauban nga si Apostle Cesar Makaubos ug siya miingon nga dili na iapil pag repa ang papel nga matias kay nagtrabaho nana sa iya ug niadtong higayuna nga duha ka papel ra ang repahon, Mateo ug Thomas. Ug ako gayud ang nahimong permanent nga nagdala sa papel nga Matias ug si Francisco Uban ang nakabunot sa papel ni Mateo ug si Cesar Makaubos maoy nakabunot sa papel nga Thomas.

Ang Katumanan sa akong Panan-awon

9  Sa gipabulag na kami akong nahunahunaan nga ang akong nakita kaniadto mao na siguro ni ang katumanan nga dili nako kasulod sa simbahan sa Molugan, pero adunay panahon miabot sa akong hunahuna nga wala ba kaha mi nasayop sa among pagkahimulag kay nanugon raba si Mons. Camilo C. Diel Sr. ALFA nga dili byaan ang Simbahang Pilipinhon. Mao tong nag ampo ko nga unta iya kong giyahan sa insaktong dalan basin nasayop ko sa akong gisubay.

“Ang akong Upat ka Damgo”

UNA

10  Usa ka gabii niana, nagdamgo ko nga akong nakita nagmisyon ang mga Apostoles ug sa lamesa daghan kaayong pagkaon pero walay kutsara ug naghugas kog kutsara nag ilog mi sa gripo ni loloy fabria, akong gikatingala nga gasanga ang gripo, gatagsa mi ug paagas sa gripo ako tin-aw iya lubog. Sa akong paglingi ang mga Apostoles tua na sa pikas balay ug nakamata ko, naglibog kog samot kung unsay kahulugan sa maong damgo maong nag ampo nasab ko kung unsa man gyud ang kahulugan.

IKADUHA

Nagdamgo na usab ako, akong nakita nga nagprito kog isda ug sa akong pagprito napisikan ang akong isa ka mata sa mantika ug nabuta ang akong isa ka mata. Sa akong pag mata, nalibog kog samot ug ako nakapangutana sakong kaugalingon “ nganong nabuta man ko?” nag libog na usab ako ug nag ampo.

IKATULO

Usa ka gabii nagdamgo na usab ako, nga nagbaklay ko sa simbahan sa Talacagan II sakop sa Brgy. Amoros, ug sa altar dapit nahulog ang bombelya sa suga ug akong gisalo ug kini napulpog, sa akong pagmata naglibog nagyud ko ug samot.

IKAUPAT

Apan sa ikaupat nga damgo akong nakita, nagmeeting ang mga Apostoles sa Tuburan, ang gihisgutan nga unsay atong buhaton aning upat ka Apostoles nga wala muuban nato? apan sa kalit naay mitunga nga nagsutana ug ang iyang nawong sama sa kasulaw sa adlaw ug naghawid siya ug papel sa iyang tuo nga kamot ug niingon “Gatuo ba diay kamo nga kamo ang nagpili kanako? Ako ang nagpili kaninyo, gikan kanila ug dili sila ang akong gipili gikan kaninyo. ”didto akong nailhan nga si Mons Camilo C. Diel Sr. ALFA diay kadto ug sa akong pagmata nabuo ang akong desisyon nga wala diay ako nasayop sa akong desisyon nga mo uban ko sa grupo sa Apostoles kay iya diay kini nga pagbuot.

TAMBAG:

Kung unsa kadako ang pagpangayo, doble ang pagpasalamat.