PASIUNA

Ni adtong Hunyo 28 tuig 2017 alas 9:00 sa gabii didto mi kang Apostol Pedro Clapano, didto mi niya gipatapok sa simbahan sa Molugan Baybay abi namu dili madayon tungod sa pagbunok sa kusog nga ulan apan kini gisungasong ug nakaabot gayud ang kadaghanan. Didto iyang gisaysay kanamo ang iyang kinabuhi sa iyang pagkabatan-on, pagkahulog sa sala ug ang iyang pagkapanday sa templo sa Dios.

IKAUNOM NGA PANAW DIDTO KANG APOSTOL PEDRO CLAPANO

Ang Kinabuhi sa akong Pagkabatan-on

1  Sa akong pagkabatan-on, usa ko ka amaturista, ug ako sige ug pangbayle, hangtud kami miabot sa bukid sa Opol Misamis Oriental. Sa akong pagkatawo, namat-an nako sa akong mga ginikanan nga usa kami ka Roman Catholic.

Ang Milagro sa akong Kinabuhi

2  Nahimo kong sakop sa Iglesia Filipina Independiente (IFI) ug sa akong pagpanarbaho sa bukid, nasinatian nako nga ang akong kauban na dat-ugan sa radiator sa Komatso nga sakyanan ug ako siyang gitabangan, ug akong giarsa ang radiator ug nikawan kini ug isa ka dangaw nga igo lang maka likay akong kauban sa nakaipit kaniya. Sa dihang niabot akong mga kauban, ilang gi alsa ang radiator duha ang nagligwat ang uban mitabang ug alsa pero wala mo kawan ang radiator, ako natingala sa akong hunahuna ngano akong na arsa ang maong radiator. Akong gidala sa hospital ang akong kauban, sa akong paghawid nag ampo ko, akong nabatian ang mga bukog sa dughan nga murag nangabuak nga bildo ug ako kining gikuptan samtang kami padulong pa sa hospital wala nako buhii, sa dakong katingala, ang resulta sa X-ray walay bali nga nakita ug ang akong kauban wala nay sakit nga nabati.

Ang Pagkahulog sa Sala

3  Niabot ang panahon, tungod sa akong pagkabatan-on naibog ko sa mga butang kalibutanon sama sa mga babaye ug kini nakapawala sa maong gasa kanako bisan ang akong Pin ug Librita pinaagi sa usa ka panghitabo, gitulis ko ug didto nakuha akong tanang butang, dili na dayon ko kabati sa pwersa nga akong nabatian sanauna.

Ang Kinabuhi sa akong Pagka Apostoles

4   Nakaghunahuna ko nga mubalik pag alagad kay akong gipangandoy nga mubalik na ang gasa nga gihatag niya kanako, wala damha nga ako mahimong usa ka reserved nga Apostoles. Sa akong pagka Apostoles akong nasinati ang halos isa ka bulan nga misyon, gani didto sa Bukidnon naa mi nasudlan nga area nga ibilin ming mga reserved sa usa ka area nga dira rami ipaghulat sa among kauban ug kami balikan lang.

Nahimo kong Panday sa Simbahan

5  Adunay usa ka higayon nga nagkalisod mi sa among pag-puyo ug naka huna-huna ko nga manarbaho, ug miadto ko ilang Mons. Camilo C. Diel Sr. ALFA ug nag dala ko ug ikapulo, halin sa manok arun mananghid nga manarbaho ug si Mons. Camilo C. Diel Sr. ALFA mitubag “Sige, Sige dinhi ra, dinhi ra.” , ug sadihang nang apply nako wala jud ko madawat gali bisag sa gate man lang dili ko pasudlon sa mga security guard ug wala gayud ako maka trabaho. Ug adunay pahina nga nahitabo na naay simbahan nga pagatukorun, kini mao ang simbahan sa Himaya Chapel ug mitabang ko sa pag pahina niini ug sa pagka human nananghid nasad ko kang Mons. Camilo C. Diel Sr. ALFA nga manarbaho ko ug siya miingon usab “Sige, Sige, dinhi ra, dinhi ra.”, ug nangita napod ko ug ma applyan, ug nangapply ko ug wala gihapon ko madawat, ug sadihang napahigayon napod ug pahina sa La-furtuna ila napod ko giagda nga magpahina ug paghuman napod sa maong simbahan, nananghid napod ko nga magtrabaho ug siya miingon napod “Sige, Sige daani ra.”, ug aduna napod pahina nga ila gipahigayon ug magtukod napod ug simbahan kini mao ang simbahan sa Dalayap El Salvador City. Ug sa ika-upat nga higayon nananghid napod ko nga manarbaho ug siya miingon napod ug “Sige, Sige dinhi ra, dinhi ra.” ug mao ra gihapon wala gihapon ko madawat sa akong pag pang-apply ug dihadiha ako na dayun namatngunan nga ipaghimu ra gayud diay ko niya ug simbahan ug sa akong pagpahina sa maong mga simbahan adunay nangutana nako kung asa ko naka tuon sa pagpamanday, ug ako mitubag “Walay nag tudlo kanako”, ug ako nahibulong sa akong kaugalingon kung asa nako ni na tun-an.

Ang Dautang Nahitabo sa akong Kinabuhi

6   Nakatrabaho kog ginagmay sa bukid, ug didto dapit sa among gatulogan adunay bata mag anhaan, ug amo kining gipakaon ug sa mga pipila ka mga adlaw ang nilabay, sa panahon kami nag tarbaho na sa area, ang among pagkaon ginabilin namo sa among banghouse, sa layo pami sa among banghouse, nakita namo ang bata nga naa sa sulod ug sa iya naming nakita siya midagan, ug ang akong kauban iyang gigukod ang bata, pero wala niya nasapon ang bata, pag abot namo sa banghouse na abtan namo nga nahurot na among mga pagkaon ug didto nag lagot mi pag ayo, tungod sa among pagkompyansa sa bata nga amo pang ginapakaon pero mao ra diay niunay pagkawat sa among pagkaon. Sa pipila ka adlaw nag sakit ang akong asawa ug ako kining gitambalan, naulian kini apan nibalik gihapon iyang sakit ug natingala ko kay bisan sigihan nakog tambal kini mag balikbalik gihapon, ug sa pagpanilhig sa akong manghod sa silong nakita niya ang panapton nga itom, ug iya kini gitan-aw ug nakita niya ang dagom nga giputos sa buhok diha tungod sa tumbanan sa tiil kung munaog mi sa among balay, ug diha pud sa belahan sa abo. Didto nako nahibaw an nga naa diay nag binuang sa akong asawa, mao nga ang iyang sakit magsigi ug balikbalik ug didto dayon naulian ang akong asawa.

Ang dakong pag sulay na nahitabo sa akong kinabuhi.

Ang Hulga sa akong Kinabuhi

7  Tuig 2003, pagkapildi ni Norberto Gabule sa pagka kagawad, nagkadeperinsiya ang iyang panghunahuna ug niabot ang punto nga gibati niya ang pagselos, kay nakita kuno niya sa iyang damgo nga naa kuno mi gihimo nga dautan sa iyang asawa. Nagprenda siya ug pistola kay iya daw kung patyon, ug ang amahan sa akong asawa nga si Pedro Taganas nga nag tinguha pud sa pagpatay nako ug nahitabo nga duha na sila nga nagdumot nako nga wala ko masayod ug unsay akong sala, ug natingala ko nga naghilak akong asawa kay giabog kuno siya sa iyang papa. Mao nga napugos mi ug puyo sa Giangkan Awang Opol, pero ang akong obligasyon sa duha ka simbahan sa Batangan ug Talakagan ll, wala nako putla ang akong pag serbisyo sa adlaw nga Dominggo alas 3 sa kadlawon magbaklay nako padulong sa Batangan, human ug serbisyo motungas na pud sa Gi-angkan. 2006 isa nalang ka simbahan ang akong giserbisyohan ang Batangan na lang, usa ka higayon niana adlaw nga Dominggo, pagpauli nako sa balay mga alas 8 sa gabii natingala ko kay saba kaayo nag sige ug tambol ug taro, taklob sa kaldero kay nawala daw si Michelle nga pag umangkon sa akong asawa. Nawala alas 10 sa buntag ug nakita nila alas 11 sa gabii ilalum sa balite, dunay bagon sa iyang liog ug kamot gikuha sa iyang uyoan nga nakakita. Pagkamatngon niya ug buot gipangita niya ang bagon sa iyang liog ug kamot kay bulawan daw to, pagkasunod Dominggo gikan ko ug Batangan nihapit ko ug Patag nakaabot ko sa Gi-angkan alas 10 sa gabii. Pagsulod nako sa balay nakurat ko sa akong nakita kay si Michelle gitabangan na man ug hawid sa uyoan duha ka kamot duha pud ka tiil, kay kusgan kuno kaayo magpakog silang upat kung molihok, akong gipabuy-an dayon akong gihawiran. Mga isa ka minuto nakamatngon siya, miingon siya “kol tabangi ko naay tawo nga itom dako kayo”, ug pagkabuntag naayo na ang iyang boot ug mipauli na sila sa ilang balay.

Ang Sakyanan sa laing Planeta

8  2007- Adlaw to nga Byernes mga alas 9 sa gabii, may nadungog ko nga bagrong, daw sama sa sakyanan sa laing planeta, murag hangin nga nagtuyok ug minaug dayon ko kay abi nako ug nakabuhi ang akong baka. Pag abot nako sa duol sa dapit nga akong namatikdan, mura ko ug mapalid sa dili masabot nga hangin, midali ko ug balik sa balay, pag abot sa tulo ka adlaw gibati ko ug kaluya hilanat nga dili masabot, ug ang akong bata nagluya pud dili na nako matabangan kay luya man pud ko, mao nga midali mi ug bahada ilang Consultant Apostle Efepanio Macatual/PIGUTO. Pag abot namo sa ila miingon si Consoltant Apostle Efepanio Macatual/PIGUTO nga naluya na kuno ko kaayo. Katong akong nadungog na sakyanan ako diay to ang ilang tuyo, miingon si Consultant Apostle Efepanio Macatual/PIGUTO, nga mubiya mi sa Gi-angkan kay suko kuno sila nako tungod sa akong gihimo. Pagka 2009 pagkamatay sa akong amahan si Papa Felix maoy sinugdan nga nakabiya mi sa Gi angkan. Sama sa gihapon, walay nausab sa tanang obligasyon nga gisangon ni Mons. Camilo C. Diel Sr. ALFA sa iyang pagtulon-an nga 63rd and Mothers, bisan sa daghang mga paglutas sa gipangandoy nga kaluwasan.

TAMBAG:

Ayaw ninyo panumbalinga ang mga estorya nga bahin sa inyo kay sama sa mangga nga daghan ug bunga sigi gyud nag labayon, pailob lang gyud mo kay ang kahoy nga walay bunga walay mo labay.