Ni adtong Hulyo 7, Alas 8 sa gabii didto me sa Talacagan 1 Sakop sa barangay Amoros El Salvador City sa panimalay ni Apostol Francisco Uban/BUFIZO sa Papel ni Apostol Mateo, kusog gihapon ang ulan niadtong panahuna apan salamat sa Ginoo kay nakaabot me sa ilang balay. Didto nangutana siya kung unsa ang among katuyoan, ug siya among gipasabot nga ang among katuyoan manginsayod sa iyang kasinatian mahitungod kang Mons. Camilo C. Diel Sr.ALFA ug sa iyang kinabuhi. Siya misaysay kanamo sa iyang kinabuhi human niya ug saysay sa iyang kinabuhi, among gihangyo nga epa storya ang iyang anak nga si Apostol Junrex Uban ( niining panahuna sa pag adto namo, dili pa Apostoles si Junrex) . Ug didto misaysay siya kanamo ubos sa pagpanuko,apan iya gayud kining gisaysay nga natagaan na siya sa ikaduhang ngalan pinaagi sa Damgo gihatag sa Espiritu Santo ug mi decisyon siya nga mo uban sa sunod namong lakaw.
IKAWALONG PANAW DIDTO KANG APOSTOL FRANCISCO UBAN/BUFIZO SA PAPEL NI SAN MATEO
Ang pangutana:
Unsa man gyud inyong tuyo diri?
Tubag:
Gusto mi masayud sa imong kasinatian mahitungod kang Mons. Camilo C. Diel Sr. ALFA.
Ang akong Kinabuhi sa akong Pagka Initiado (Isaias 62:2)
1 Pebrero 9 tuig 1985, na Initialan ko. 1986-1987, nahimong Evangelista ug niligid ang panahon nahimong usa ka Reserved Apostoles.
Sa akong pagka ako, gaserbisyo ko sa simbahan, apan sa laing bahin, ga operate ko ug sound system panahon kon dunay bayle tungod kay ulitawo pa man ko adtong panahona. Unya usa ka higayon nga dunay gihimo nga bayle, sadihang nagpadayon ang kalingawan akong nakita nga ang suga dunay mga potyukan ug sa akong pagduol napaakan ko. Ug diha akong gidapatan sa akong nadawat gikan ni Mons. Camilo C. Diel Sr. ALFA, sa kalit lang nawala ang kasakit niini. Ug akong gisugilon kini sa Apostoles nga Consultant nato karon, ingon siya biyai na ang pag-operate sa sound system sa bayle.
Ang Kasinatian sa Misyon
2 Adunay usa ka higayon sa misyon, didto sa bukid sa Bukidnon, kusog kaayong ulan ug mitabok mig dakong suba ug misakay mig balsa. Gigakos namo ang sutana aron dili mi maunsa. Ang misyon namo sanauna maabtan ug bulan kapin. Sa akong pagka ako, wala kaayo koy dagkong kasinatian nga bisan sa akong pagkatawo, wala koy naagian or nabati nga vibrations, pero nagtuo ko niya nga siya nagyud. 1980’s nidagsa ang daghang rebelde, mianhi pagyud sa balay. Nahimo ming sak-anan, mao ng nahadlok ko ug miadto kang Mons. Camilo Diel Sr. ALFA kung unsay angay buhaton, ug siya miingon “ ako nay bahala ana” ug mao kadto wala na mibalik pag usab ang mga rebelde.
Ang Pag-ayo sa Hubag sa Tiil
3 Usa sa akong gibasehan kadto nahubagan ko nga walay buthanan. Sa nag misa si Mons. Camilo C. Deil Sr. ALFA, naay miingon nako nga patambalan nako sa iya, paghangad nako nakita nako si Mons. Camilo C. Deil Sr. ALFA nga nagpadulong sa ako nga nagtutok sa hubag, niingon siya “ ulian, ulian, ulian” pagtan-aw nako sa ubos, mibuto ang akong hubag, nagbanaw ang nana sa ubos.
Ang akong Pagkahulog sa Sala
4 Adunay panahon nga nagdamgo ko nahulog ko sa usa ka parel, gihawiran ko ni Mons. Camilo C. Deil Sr. ALFA, nahulog ming duha ug nahitabo gyud na sa akong kinabuhi kay sa akong pagka Apostoles tuig 1990, nakasala ko unya na suspended ko. Akong nahunahunaan nga kadto mao ang katumanan sa akong damgo nga mahulog ko pero makabalik gyud ko sa serbisyo tuig 2006.
TAMBAG:
-Kung magsaad, imo gyung tumanon.
-Ang Ginoo dili dako ang gikinahanglan nga pagtoo, sama ra kadako sa liso sa mustasa.